پاکستان اور سعودی عرب کے درمیان فیفا ورلڈ کپ کوالیفائر کے دوسرے راؤنڈ کا میچ الحفوف کے پرنس عبداللہ بن جلاوی اسٹیڈیم میں منتقل کردیا گیا ہے۔
تفصیلات کے مطابق فیفا ورلڈ کپ کوالیفائر میں پاکستان اور سعودی عرب کے درمیان میچ 16 نومبر کو کھیلا جائے گا۔ اس سے قبل دونوں ٹیموں کے درمیان یہ میچ دمام کے اسٹیڈیم میں کھیلا جانا تھا۔ قومی ٹیم فیفا ورلڈ کپ کوالیفائر راؤنڈ میں اپنا دوسرا میچ 21 نومبر کو تاجکستان کے خلاف ہوم گراؤنڈ پر کھیلے گی۔ پاکستان فیفا ورلڈ کپ کوالیفائرز کے دوسرے راؤنڈ میں سب سے نچلی رینک والی ایشیائی ٹیم ہے جسے گروپ جی میں سعودی عرب، اردن اور تاجکستان کے ساتھ ڈرا کیا گیا ہے۔ ہر گروپ سے سرفہرست دو ٹیمیں ورلڈ کپ کوالیفائرز کے تیسرے راؤنڈ اور براہ راست فٹ بال ایشین کپ کے لیے کوالیفائی کریں گی، ہر گروپ سے نیچے کی دو ٹیمیں 2025-26 ایشین کپ کوالیفائرز میں شرکت کریں گی۔