اکتوبر کے دوران ماہانہ اور سالانہ بنیادوں پر بینکوں کے ڈپازٹس، سرمایہ کاری اور قلیل مدتی قرضوں کے حجم میں اضافہ ہوا۔ اسٹیٹ بینک کے مطابق اکتوبر میں بینکوں کے ذخائر 26398 ارب روپے ریکارڈ کیے گئے جو کہ ستمبر کے مقابلے میں 0.3 فیصد اور گزشتہ سال اکتوبر کے مقابلے میں 17.8 فیصد زیادہ ہے۔ یہ بھی پڑھیں: پاکستان کے مجموعی قرضوں میں 1675 ارب روپے کی کمی اکتوبر میں ماہانہ اور سالانہ بنیادوں پر بینکوں کے قلیل مدتی قرضوں کے حجم میں بالترتیب 0.3 فیصد اور 7.7 فیصد اضافہ ہوا۔ اکتوبر میں بینکوں کے قلیل مدتی قرضوں کا حجم 11898 ارب روپے ریکارڈ کیا گیا جو ستمبر میں 11897 ارب روپے اور گزشتہ سال اکتوبر میں 11052 ارب روپے تھا۔