کراچی: الیکشن ٹریبونل نے قومی اسمبلی کی مخصوص نشست پر جی ڈی اے کی رہنما فہمیدہ مرزا کی اپیل منظور کرتے ہوئے کاغذات نامزدگی بحال کردیے۔
الیکشن کمیشن کے فیصلے کے خلاف جی ڈی اے رہنما فہمیدہ مرزا کی اپیل کی سماعت سندھ ہائی کورٹ میں الیکشن ٹربیونل کے روبرو ہوئی۔
ٹربیونل نے قومی اسمبلی کی مخصوص نشست پر فہمیدہ مرزا کے کاغذات بحال کر دیئے۔
الیکشن کمیشن نے خواتین کی مخصوص نشست پر فہمیدہ مرزا کے کاغذات نامزدگی مسترد کر دیے تھے۔
فہمیدہ مرزا جی ڈی اے کی جانب سے قومی اسمبلی کی مخصوص نشست سے امیدوار ہیں۔
گزشتہ روز سندھ ہائی کورٹ نے جنرل نشستوں پر فہمیدہ مرزا اور ذوالفقار مرزا کے کاغذات بھی بحال کیے تھے۔