واشنگٹن: ناسا اور نیشنل اوشینک اینڈ ایٹموسفیرک ایڈمنسٹریشن (NOAA) نے سال 2023 کو زمین اور سمندر کی سطح پر ریکارڈ کیا گیا اب تک کا گرم ترین سال قرار دیا ہے۔
امریکی میڈیا کے مطابق 2023 میں اوسط درجہ حرارت تاریخ کی ریکارڈ سطح پر تھا۔
ناسا اور NOAA نے اپنے جاری کردہ اعداد و شمار میں خبردار کیا ہے کہ موسمیاتی حدت کا اب جاری رہنا یقینی ہے اور اس تبدیلی کی رفتار نے دنیا کے موسمیاتی سائنسدانوں کو حیران کر دیا ہے۔
ادارے کے اعداد و شمار سے پتہ چلتا ہے کہ 2023 میں اوسط درجہ حرارت 58.96 ڈگری فارن ہائیٹ تھا، جو 20ویں صدی کے عالمی اوسط درجہ حرارت سے 2.12 ڈگری زیادہ ہے۔
2023 میں رپورٹ کردہ اوسط عالمی درجہ حرارت 2016 کے ریکارڈ سے 0.27 ڈگری زیادہ ہے۔
ماہرین کا کہنا ہے کہ اس بات کا 33 فیصد امکان ہے کہ 2024 2023 سے زیادہ گرم سال ہو گا، اور 99 فیصد امکان ہے کہ یہ ریکارڈ کے پانچ گرم ترین سالوں میں شامل ہو گا۔