لاہور: سابق گورنر پنجاب میاں اظہر کو حراست میں لے لیا گیا۔
پولیس ذرائع کے مطابق میاں اظہر پاکستان تحریک انصاف کے رہنما حماد اظہر کے والد ہیں۔
وہ این اے 129 کی انتخابی مہم میں مصروف تھے کہ اس دوران انہیں حراست میں لے لیا گیا۔
حماد اظہر نے ٹویٹ کیا کہ میاں اظہر کے والد کو انتخابی جلسہ کرنے پر گرفتار کیا گیا ہے۔ پولیس کا کہنا ہے کہ یہ کارروائی الیکشن کمیشن کے ضابطہ اخلاق کی خلاف ورزی پر کی گئی ہے۔
پاکستان تحریک انصاف نے آج لاہور میں جلسے کا اعلان کر دیا ہے۔ اس حوالے سے پورے پنجاب میں دفعہ 144 نافذ کر دی گئی ہے۔
رات گئے سے پی ٹی آئی امیدواروں کے گھروں کے باہر سادہ کپڑوں میں پولیس اور جوان موجود ہیں۔
پی ٹی آئی کے بانی عمران خان نے لاہور کے تمام قومی و صوبائی اسمبلی کے امیدواروں کو آج طاقت کا مظاہرہ کرنے کی ہدایت کی ہے۔