نگران وزیر اطلاعات و تعلقات عامہ خیبرپختونخوا بیرسٹر فیروز جمال شاہ کا کاخیل کی حضرت کاکاصاحب ‘المعروف شیخ رحمکار صاحب’ کے مزار پر حاضری، ملک کی سلامتی، خوشحالی اور امن کے لئے دعائیں کیں
مظلوم کشمیری اور فلسطینی عوام کے لئے جدوجہد میں کامیابی کے لئے بھی خصوصی دعا
خیبرپختونخوا کے نگران وزیر اطلاعات،ثقافت و سیاحت بیرسٹر فیروز جمال شاہ کاکاخیل نے شیخ المشائخ حضرت کاکاصاحب ‘المعروف شیخ رحمکار صاحب’ رحمتہ اللہ علیہ کے مزار پر حاضری دی اور رب العالمین کے حضور ملک کی سلامتی، استحکام، خوشحالی اور پائیدار امن کے لئے خصوصی دعائیں کیں. نگران وزیر اطلاعات و تعلقات عامہ خیبرپختونخوا بیرسٹر فیروز جمال شاہ کاکاخیل نے اس موقع پر رب العالمین کے حضور خیبرپختونخوا میں امن و امان کی پائیداری، عوام کی خوشحالی اور اتحاد و اتفاق کے لئے بھی خصوصی دعا کی.
انہوں نے اس موقع پر رب العالمین کے حضور نہتے اور مظلوم مسلمانوں خصوصاً غزہ کے فلسطینیوں اور مقبوضہ کشمیر کے کشمیریوں کے لئے جدوجہد میں کامیابی کے لئے بھی خصوصی دعا کی. نگران وزیر اطلاعات و تعلقات عامہ خیبرپختونخوا بیرسٹر فیروز جمال شاہ کاکاخیل نے ملک کے لئے جانوں کا نذرانہ پیش کرتے ہوئے شہادت کا عظیم رتبہ پانے والے شہیدوں، شہداء کے خاندانوں اور غازیوں کے لئے بھی خصوصی دعائیں کیں. انہوں نے اسلامی دنیا میں پائیدار امن کے لئے باہمی اتفاق و اتحاد کے لئے بھی خصوصی دعا کی. نگران وزیر نے کہا کہ اسلامی تعلیمات کو عام کرتے ہوئے اور باہمی اتفاق و اتحاد کا مظاہرہ کرکے ہی اسلامی دنیا موجودہ مسائل سے نجات حاصل کرسکتی ہے.
انہوں نے کہا کہ بزرگانِ دین کی جدوجہد اور تعلیمات ہمارے لئے خصوصاً نوجوان نسل کے لئے مشعل راہ ہیں جنہوں نے دین اسلام کی تبلیغ اور خاتم النبیین حضرت محمد ﷺ کے اسوہ حسنہ کو دوسروں تک پہنچانے میں زندگیاں صرف کیں اور اپنی ساری زندگیاں اسی جدوجہد میں گزاریں. نوشہرہ کا دورہ کرتے ہوئے نگران صوبائی وزیر بیرسٹر فیروز جمال شاہ کاکاخیل نے اس سے پہلے حضرت کاکاصاحب کے دربار پر حاضری دی، کچھ دیر وہاں قیام کیا، فاتحہ پڑھی اور دعائیں کیں، بیرسٹر فیروز جمال شاہ کاکاخیل نے اپنے والد محترم حضرت میاں جمال شاہ کاکاخیل مرحوم و دیگر مرحومین کے مزاروں پر بھی حاضر ہوئے اور ایصال ثواب کے لئے دعائیں کیں۔