کراچی: ایک روز کی کمی کے بعد آج عالمی اور مقامی صرافہ مارکیٹوں میں سونے کی قیمت میں ایک بار پھر اضافہ ہوگیا۔
بین الاقوامی بلین مارکیٹ میں فی اونس سونے کی قیمت 9 ڈالر اضافے سے 2057 ڈالر کی سطح پر پہنچ گئی۔
اسی دوران 24 قیراط سونے کی فی تولہ قیمت 900 روپے اضافے سے 215700 روپے اور فی 10 گرام سونے کی قیمت 772 روپے اضافے سے 184928 روپے ہو گئی۔
ملک میں سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 2570 روپے اور فی 10 گرام چاندی کی قیمت بغیر کسی تبدیلی کے 2203.36 روپے پر برقرار رہی۔