جمرود تحصیل گیٹ کے سامنے تیراہ راجگل کوکی خیل متاثرین کا احتجاجی دھرنا 17 ویں روز بھی جاری
مطالبات کی منظوری تک احتجاجی دھرنا جاری رہیگا
خیبر (صائم افریدی) تفصیلات کے مطابق 17 ویں روز سے جمرود باب خیبر کے مقام پر تیراہ راجگل کوکی خیل متاثرین کا احتجاجی دھرنا جاری ہے جسکو دو دن سے اسسٹنٹ کمشنر جمرود کے دفتر کے مین گیٹ کے سامنے منتقل کیا گیا ہے۔احتجاجی دھرنے میں تیراہ راجگل کوکی خیل متاثرین و قومی مشران کثیر تعداد میں شریک ہیں۔تیراہ راجگل کوکی خیل متاثرین کا مطالبہ ہے کہ حکومت مزید ہیلے بہانے چھوڑ کر تیراہ راجگل کوکی خیل متاثرین کی واپسی کا اعلان کرکے نوٹیفیکیشن جاری کرے،جتنا نقصان ہوا ہے اسکے ازالے کیلئے فوری طور پر سروے کرکے نقصانات کا ازالہ کیا جائے۔تیراہ راجگل کوکی خیل متاثرین و قومی مشران کا کہنا ہے کہ سیکیورٹی فورسز و ضلعی انتظامیہ خیبر کے زمہ داران شروع دن سے ہمارے ساتھ وعدے کررہے ہیں تاہم ایک وعدہ بھی ایفاء نہ ہوسکا۔تیراہ راجگال کوکی خیل متاثرین کا کہنا ہے کہ سیکیورٹی فورسز نے باقاعدہ اعلان کیا تھا کہ تیراہ مکمل طور پر کلیئر ہوگیا ہے تاہم اسکے باوجود 10 سال سے زائد کا عرصہ گزرنے کے بعد بھی ہمیں اپنے علاقوں کو واپس جانے کی اجازت نہیں دی جارہی ہے۔تیراہ راجگال کوکی خیل متاثرین و قومی مشران کا کہنا ہے کہ ابھی تک ھم پلان سی تک پہنچ چکے ہیں اور اسسٹنٹ کمشنر جمرود کے سامنے دوسرے روز سے احتجاجی دھرنا دئے ہوئے جس کے بعد اگلے پلان کے مطابق پاک افغان شاہراہ کو بند کیا جائے گا اور اس وقت تک بند رکھا جائے گا کہ جب تک ہمارے مطالبات منظور نہیں ہوتے۔