کھیل

پی سی بی کے اعتماد پر پورا اتریں گے: شان مسعود

نومبر 16, 2023 • News Desk

پاکستان ٹیسٹ ٹیم کے نئے کپتان شان مسعود نے ٹیسٹ فارمیٹ کے لیے کپتان منتخب ہونے پر پی سی بی کا شکریہ ادا کیا ہے۔ شان مسعود نے کہا کہ پاکستان کے لیے کھیلنا اعزاز کی بات ہے، میں پی سی بی کا مشکور ہوں کہ انہوں نے مجھے ٹیم کی قیادت کا موقع دیا۔ انہوں نے کہا کہ سرخ گیند ایک مشکل فارمیٹ ہے اور یہ ایک چیلنج ہے، ٹیم کو ساتھ لے کر آگے بڑھنا ہم سب کی ذمہ داری ہے، ہم کرکٹ کا ایسا برانڈ کھیلنا چاہتے ہیں جو ہماری پہچان بنے۔ ان کا مزید کہنا تھا کہ میں یہ ذمہ داری قبول کرتا ہوں، ہم اس برانڈ کی کرکٹ کھیلیں گے جو شائقین کو پسند آئے گا، پاکستانی شائقین ہمیں سپورٹ کریں گے، ہم بہتر نتائج دیں گے۔