برطانوی ہائی کمشنر جین میریٹ نے پاکستانی نژاد برطانوی گلوکار زین ملک کی پاکستان آمد کا عندیہ دیا ہے۔
جین میریٹ نے سوشل میڈیا ویب سائٹ X (سابقہ ٹویٹر) پر بی بی سی کا ایک مضمون پوسٹ کیا جس میں پاکستانی بینڈ ‘اور’ کے ساتھ برطانوی گلوکار زین کے کام کو اجاگر کیا گیا تھا۔
اس آرٹیکل کو پوسٹ کر کے جین میریٹ نے واضح طور پر دنیا کے مشہور گلوکار زین ملک کے دورہ پاکستان کی طرف اشارہ کیا ہے۔
آپ کو بتاتے چلیں کہ پاکستانی میوزک بینڈ ‘اور’ نے 10 جون 2023 کو ‘تو ہے کہاں’ گانا ریلیز کیا تھا جو پاکستان کے ساتھ ساتھ ہندوستان میں بھی کافی مقبول ہوا تھا۔