پاکستان سپر لیگ (پی ایس ایل) میں لاہور قلندرز کی ناقص کارکردگی نے شائقین کرکٹ کو مایوس کر دیا۔
لاہور قلندرز کے کپتان شاہین شاہ آفریدی کی قیادت میں لاہور قلندرز پی ایس ایل کے نویں ایڈیشن کے پہلے 6 میچز ہار کر ٹورنامنٹ سے تقریباً باہر ہو چکی ہے۔
سال 2024 میں قومی ٹیم اور فرنچائز لاہور قلندرز کی کپتانی کے دوران انہوں نے 11 میچوں میں قائدانہ کردار ادا کیا تاہم 10 میچ ہارے اور ایک میں فتح حاصل کی۔
شاہینوں کی کپتانی میں واحد فتح کیوی ٹیم کے خلاف 21 جنوری کو کرائسٹ چرچ میں کھیلے گئے سیریز کے آخری میچ میں ملی۔
اسی دوران گزشتہ روز ملتان سلطانز نے یکطرفہ مقابلے میں قلندرز کو 60 رنز کے بڑے مارجن سے شکست دی اور اس طرح شاہین الیون کا پی ایس ایل میں پلے آف میں پہنچنا تقریباً ناممکن ہو گیا ہے۔