پروفیسرحافظ عبدالرحمان مکی رحمہ اللہ پاکستان کے عظیم مذہبی سکالر تھے
لویردیر ) عبدالغفارمنصور صدر مرکزی مسلم لیگ ملاکنڈ ڈویژن حاجی محبوب زادہ صدرمرکزی مسلم لیگ ضلع لوئر دیر
اورمحمدیاسین جنرل سیکرٹری مرکزی مسلم لیگ ضلع لوئر دیر نے اپنے مشترکہ بیان میں کہاپروفیسر عبدالرحمان مکی رحمہ اللہ کی
خدمات کو ھمیشہ یادرکھا جائے گا وہ پاکستان کے عظیم مذہبی اسکالر،احیاء نظریہ پاکستان کے داعی، مظلوم کشمیریوں اورفلسطینیوں کی مضبوط آواز تھے پروفیسر عبدالرحمان مکی حافظ محمد سعید کے برادر نسبتی تھے،آپ کے والد گرامی پروفیسر حافظ عبداللہ بہاولپوری قائداعظم محمد علی جناح کے با اعتماد ساتھی اور آل انڈیا مسلم لیگ کے سٹوڈنٹ رہنما رہے، حافظ عبدالرحمان مکی ام القری یونیورسٹی مکہ مکرمہ سے فارغ التحصیل تھے ،عربی اور انگریزی زبان پر عبور حاصل تھا، حافظ عبدالرحمان مکی وطن عزیز پاکستان میں مذہبی انتہاپسندی ، فتنہ خوارج کے خلاف اور مظلوم کشمیری و فلسطینی مسلمانوں کے حق میں مضبوط آواز تھے ۔ حافظ عبدالرحمان مکی کو مظلوم کشمیریوں کی حمایت میں ہندوستان کے جھوٹے پروپگینڈا کا سامنا رہا، وہ پاکستان میں چلنے والی مختلف تحریکوں جس میں تحریک ختم نبوت، دفاع پاکستان کونسل ، تحریک حرمت رسولﷺ اور تحریک آزادی کشمیر کے رہنما تھے ۔ضلع لوئر دیر میں جمعہ کے دن بہت سی مساجد میں انکی غائبانہ نماز جنازہ ادا کی جائے گی