لوئر دیر: ڈپٹی کمشنر کا خال بازار میں ہفتہ صفائی مہم کا آغاز

لوئیر دیر) ڈپٹی کمشنر دیر پائین محمد عارف خان نے عوامی ایجنڈا مہم پروگرام کے تحت ٹی ایم اے خال کی زیر اہتمام خال بازار میں خصوصی ہفتہ صفائی مہم کا آغاز کردیا۔اس موقع پر ایم پی اے محمد اعظم خان ،ایڈیشنل اسسٹنٹ کمشنر تیمرگرہ حضرت بلال چیئرمین تحصیل خال اخونزادہ اشفاق الرحیم،، ٹی ایم او خال فرمان علی ، خال بازار ٹریڈ یونین کے صدر اخونزادہ تلاوت خان سمیت بازار یونین کے تمام کابینہ،، منتخب نمائیندوں کے نمائندگان، ٹی۔ ایم اے۔ سنیٹیشن سٹاف، لائن ڈیپارٹمنٹس کے افسران، ٹریڈ یونین کے نمائندوں، میڈیا کے نمائندوں اور مختلف شعبہ ہائے زندگی سے تعلق رکھنے والے افراد بھی صفائی مہم میں شریک ہوئے۔ مہم میں خال بازار کے مختلف مقامات سے کچرہ اٹھایا اسسٹنٹ کمشنر حضرت بلال اور ٹی ایم او خال نے جھاڑوں لگا کر خال میں خصوصی ہفتہ صفائی مہم کا افتتاح کیا اور ٹی ایم او کو صفائی کے حوالے سے خصوصی ہدایات دیں۔ اس موقع پر اسسٹنٹ کمشنر حضرت بلال نے میڈیا سے گفتگو کرتے ہو ئے کہا کہ صوبائی حکومت کے گڈگورننس عوامی ایجنڈا کے تحت شہر کے بازاروں اور گلیوں کو صاف اور خوبصورت بنانے کیلئے آج سے ہفتہ صفائی مہم شروع کیا ہے جسمیں محکموں کے ساتھ ساتھ سماجی تنظیموں اور مقامی شہریوں بھی پر جوش دکھائی دے رہے ہیں اور انشاء اللہ یہ مہم نہ صرف کامیاب ہوگی بلکہ صفائی کے مستقل بنیادوں پر دیرپا پروگرام کو بھی ترتیب دیا گیا ہے۔ اسسٹنٹ کمشنر نے تمام شہریوں، دکانداروں اور تاجر تنظیموں سے اپیل کی کہ وہ اس صفائی مہم میں بڑھ چڑھ کر حصہ لے اور آئندہ بھی اس میں اپنا کردار ادا کریں۔