اقبال حسین افکار کے شعری مجموعہ "د دردونو نغمہ گر” کی تقریب رونمائی

رپورٹ : سارہ خان

شہید بھٹو بھٹو فاونڈیشن کی زیر اہتمام SZABIST اسلام آباد کیمپس کے آڈیٹوریم میں بروز اتوار شام پانچ بجے ممتاز شاعر ، رپورتاژ نگار اور کالم نگار اقبال حسین افکار کی دسویں کتاب اور دوسرے شعری مجموعہ ” د دردونو نغمہ گر ” کی تقریب رونمائی ہوئی ، تقریب کی نظامت ڈاکٹر منظور ویسریو نے کی، سابق سنیٹر فرحت اللّہ بابر، آصف علی خان چیف ایگزیکٹو شہید بھٹو فاونڈیشن ، ڈاکٹر یار محمد مغموم ، م، ر،شفق، حیران خٹک، ڈاکٹر اباسین یوسفزئی نورالامین یوسفزئی ،ڈاکٹر منظور آفریدی، طیب اللّہ خان ،گل محمد بیتاب نے اقبال حسین افکار کی فن ، شخصیت اور ادبی خدمات پر سیر حاصل گفتگو کرتے ہوۓ کہا
افکار صاحب عمدہ نظم گو شاعر اور کامیاب رہورتاژ نگار کے علاوہ انتظامی امور اور تنظیمی معاملات سلجھانے کے ماہر ہیں ۔ نظم و نسق کے پابند ہیں۔ صبر و تحمل اور مستقل مزاجی ان کی فطرت سہی مگر تقریب کے دوران ، سامعین کرام پر کڑی نگاہ رکھتے ہیں۔ اور کسی قسم کی خلل اندازی ان سے برداشت نہیں ہوتی ۔ اس جلالی کیفیت کو دیکھ کر بغض نازک مزاج دوست بدک بھی جاتے ہیں د دردونو نغمہ گر کے بارے میں اظہا کرتے ہوۓ مقررین نے کہا۔
افکار صاحب ادبی سفر کے منازل کامیابی کے ساتھ طے کئے ہیں۔ یہ آمر ہمارے لیے باعث خوشی ہے کہ افکار صاحب کی دوسری مجموعہ اور دسواں کتاب منظر عام پر آیا ہے ، ڈاکٹر یار محمد مغموم نے کہا کہ افکار نظم کا شاعر ہے ، افکار کے اس شعری مجوعہ میں پابند نظم بھی ہے لیکن زیادہ تر جدید آزاد معرا نظمیں ہے جس میں موضوعاتی حوالے سے تنوع ہے ۔ وہ ایک ترقی پسند انسان دوست شاعر ہے ۔ یہی وجہ ہے کہ ان کو جہاں بھی ظلم جبر ناانصافی نظر آئے ہیں تو اس کے خلاف قلم اٹھایا ہے ۔
ڈاکٹر یار محمد مغموم نے کہا افکار صاحب نے نظم گو شاعر کی حیثیت سے ایک پیغام دیا ہے۔ جو کسی خاص دائرے تک محدود نہیں ہے۔ انہوں نے سماجی زندگی کے مثبت اور منفی رویوں کی نشاندہی کی ہے۔ انسانوں کے مابین الفت و ہمدردی اور اخوت کے جذبات کو اجاگر کیا ہے ۔ اپنے پیغام کو عوام تک پہنچانے کے لیے سادہ عام فہم لہجہ استعمال کیا ہے۔
د رحمان بابا ملنگ یم ۔۔۔۔۔۔ پیروکار د باچا خان یم
سابق سنیٹر فرحت اللّہ بابر نے کہا کہ افکار صاحب کی ںمنظمونوں کے اس مجموعہ میں نئے نسل کے لیے روشنی ہے ںوجوانوں چاہئے کہ اس کا مطالعہ کرے۔ اس موقعہ پر جناب اطلس گل اطلس، فجی گل فجی اور سارہ خان نے منظوم خراج پیش کیا مقررین شہید بھٹو فاونڈیشن کا شکریہ ادا کیا کہ انہوں نے افکار صاحب کی اس کتاب کی پذیرائی فاوڈیشن کے زیر اہتمام کیا ۔ شہید بھٹو فاونڈیشن کے چیف ایگزیکٹو جناب آصف علی خان نے کہا اس فاونڈیشن کا بنیاد بے نظیر بھٹو شہید نے 2004 میں رکھا اس وقت بے نظیر بھٹو شہید دوبئ میں قیام پزیر تھے ۔فاونڈیشن کا مقصد جمھوری رویوں فروغ اور انسانی حقوق پاسداری ہے اس حوالہ سے مکالموں کا اہتمام کرتے ہیں وقتاً فوقتاً ایسی کتابوں کے جیسا اقبال حسین افکار کی کتاب جو ہمارے فاونڈیشن کے نقطہ نظر کے قریب ہوں تقریب پزیرائی اور تقریب رونمائی کا اہتمام کرتے ہیں۔