سب انسپکٹر رینک میں ترقی پانے والے افسروں کے اعزاز میں پروقار تقریب کا انعقاد

پولیس لائن لوئر چترال میں سب انسپکٹر رینک میں ترقی پانے والے ٹیلی کمیونکیشن پولیس برانچ کے افسروں کے اعزاز میں پروقار تقریب کا انعقاد

تقریب میں ڈسٹرکٹ پولیس آفسیر لوئر چترال اکرام اللہ خان نے خصوصی طور پر شرکت کی ۔

اس کے علاوہ ڈی۔ایس۔پی۔ہیڈکوارٹر احمد عیسی, ڈی۔ایس۔پی۔انوسٹگیشین عزیزالدین ,ڈی۔ایس پی۔لیگل شیر محسن الملک اور دیگر پولیس افسران بھی ان کے ہمراہ موجود تھے ۔

ڈی۔پی۔او لوئر چترال اکرام اللہ خان اور ڈی۔ایس۔پی۔ہیڈکوارٹر احمد عیسی نے اسسٹنٹ سب انسپکٹر سے سب انسپکٹر رینک میں پروموٹ ہونے والے افسران ASI محمد سردار ASI رحمت اعظم ASI فضل حق کو سب انسپکٹر (SI) رینک کے بیجیز لگوائے اور انہیں مبارکباد دی۔

اس موقع پر ڈی۔پی۔او لوئر چترال نے کہا کہ محنت اور لگن کامیابی کی کنجی ہے اور بہتر کارکردگی دکھا کر آپ مزید ترقی کی منازل طے کرسکتے ہیں ۔نئے عہدے کے ساتھ اہم ذمہ داریاں آپ کو سونپی جارہی ہیں امید کی جاتی ہے کہ آپ آئیندہ بھی محنت اور لگن کو اپنا شعور بنائیں گے۔