چترال (نذیرحسین شاہ نذیر)ایسوسی ایشن فار اکیڈمک کوالٹی (آفاق ) چترال کے زیراہتمام آفاق انسا ئیکلو پیڈیا کوئز کمپٹیشن کی تقریب تقسیم انعامات سے خطاب کرتے ہوئے ڈپٹی کمشنر لوئرچترال محمدعمران خان یوسفزئی نے کہاکہ شعبہ تعلیم میں وفاق کی سطح پر مثبت اور ملک و قوم کی بہتری کے تناظر میں تبدیلی کا کام شروع کردیا گیا ہے۔آفاق نئی نسل کی کردار سازی میں بہترین کردار ادا کر رہا ہے ۔انہوں نے کہاکہ چترال کے بچوں کے اندرٹیلنٹ کی کمی نہیں ہے دورجدیدکے مطابق محنت کرنے کی ضرورت ہے۔تعلیمی میدان میں ضلعی انتظامیہ لوئرچترال کی طرف سے ہرممکن تعاون کی یقین دہانی کرتے ہوئے بتایاکسی بھی سکول میں لیکچردینے کی ضرورت ہوہمیں بتائیں میں استاد رہاہوں ہمیں خوشی ہوگی۔ حسب روایت اس سال بھی آفاق ایسوسی ایشن فار اکیڈمک کوالٹی کی جانب سےلوئرچترال کے ایک مقامی ہوٹل میں اپراورلوئر چترال کے گورنمنٹ اور پرائیویٹ سکولوں کے جماعت سوم تا دہم کے طلبہ و طالبات کے درمیان تحریری ا نسائیکلو پیڈیا کوئیز کا انعقاد کیا گیا۔ اس مقابلے میں اپراورلوئرچترال کے 120 سکولوں کے 1553 طلبہ و طالبات نے حصہ لیاتھا۔ یہ پروگرام دو کیٹیگری جونییئر اور سینیر پر مشتمل تھا۔ جونیئر کیٹیگری لوئرچترال سے پہلی پوزیشن آرمیش خالد،دوسری محمدساوید،تیسری پوزیشن یوسرہ قاضی ،سینئرکیٹیگری لوئرچترال پہلی آکاش علی شاہ،دوسری عارفہ خوشنود،تیسری پوزیشن مصطفی علی شاہ نے حاصل کی ہے۔جونیئرکیٹیگری اپرچترال سے پہلی محمدعدنان خلیل ،دوسری مقصودالرحمن،تیسری الہام ندیم اورسینئرگیٹگری میں اپرچترال سے سیدمحمدمعسود پہلی ، رمیساحافظ دوسری ،کومل خسرو دوسری،ونیزہ دوسری اورعبداللہ نے تیسری پوزیشن حاصل کی ہے۔اس موقع پر آفاق چترال کے ایریا ہیڈ ذوالفقار علی خان نے پروگرام کے مقا صد پر روشنی ڈالتے ہوئے کہاکہ آفاق انسائیکلوپیڈیا بچوں کی صلاحیتوں کو نکھارنے،ذہنی افق کووسعت دینے ، اُن کی تخلیقی صلاحیتوں کو اُجاگر کرنے اور علمی استعداد میں اضافہ کرنے میں اہم کردار ادا کر رہے ہیں۔آفاق ملاکنڈ کے ریجنل ہیڈ صا حبزادہ ماجد علی خان نے چترال سمیت ملک بھر میں آفاق کی تعلیمی کاوشوں کے حوالے سے شرکاء کو آگاہ کیا۔ اور سامعین کو بتایا کہ طلبأ میں مطالعے کی عادت پیدا کرنے اور ان میں مثبت مقابلے کا جذبہ ابھار نے کے لئے آفاق یہ پروگرامات کراتا رہتا ہے۔ آفاق انسا ئیکلوپیڈیا کی ان چھوٹی چھوٹی کتابوں میں بہترین اور مستند معلومات ہوتی ہیں جو ان بچوں کیلئے انتہائی مفید ثابت ہوتی ہیں۔ پہلی ،دوسری ،تیسری تینوں پوزیشن میں کامیاب ہونے والے طلباء وطالبات کوشیلڈز،تعریفی اسناد اورنقدی انعامات سے نوازاگیا۔