کراچی: پاکستان ویمن کرکٹ ٹیم کی سابق کپتان اور سینئر بلے باز جویریہ خان رشتہ ازدواج میں منسلک ہوگئیں۔
جویریہ خان اور وقاص کی شادی کی تقریب کراچی میں منعقد ہوئی جس میں ان کے رشتہ داروں اور دوستوں نے شرکت کی۔
شادی کی تقریب میں قومی خواتین کی سابق کپتان بسمہ معروف اور معروف آل راؤنڈر فاطمہ ثناء سمیت دیگر پاکستانی خواتین کرکٹرز نے بھی شرکت کی۔
35 سالہ جویریہ خان نے قومی خواتین ٹیم کی جانب سے 116 ون ڈے اور 112 ٹی ٹوئنٹی انٹرنیشنل میچز کھیلے ہیں۔
جویریہ نے اپنا ون ڈے ڈیبیو مئی 2008 میں سری لنکا کے خلاف کیا۔ انہوں نے پاکستان کے لیے ون ڈے میں 2885 اور ٹی ٹوئنٹی میں 2018 رنز بنائے ہیں۔
انہوں نے اپنا آخری ون ڈے میچ 2022 میں ہندوستان کے خلاف اور اپنا آخری T20 فروری 2023 میں آئرلینڈ کے خلاف کھیلا۔