86ٹرانسفارمرز کی منظوری،لوڈشیڈنگ کا دورانیہ کم،28کلو میٹر سوئی گیس پائپ لائن کی تنصیب،لطیف آباد میں پل اور سائیڈ وال کا افتتاح چیدہ کاموں میں شامل
محرم الحرام سے قبل اہل تشیع برادری کے تمام مسائل کو فوری حل کیا گیا،جلد اہل پشاور کو میگا پراجیکٹ کی خوشخبری دینگے،ایم پی اے ملک طارق اعوان کی پریس کلب میں پریس کانفرنس
پشاور(سٹی رپورٹر) ن لیگ پی کے 82 کے ایم پی اے ملک طارق اعوان نے منتخب ہونے کے بعد سے اپنی سو روزہ کارکردگی رپورٹ میڈیا کے سامنے پیش کرتے ہوئے کہا کہ پی کے 82 اور پشاور کے عوام کی سو روز میں خوب خدمت کی جس میں پی کے 82 کے مختلف علاقوں کیلئے 86 ٹرانسفامرز کی منظوری جن میں درجنوں لگ بھی چکے ہیں 69ٹرانسفرامرز کی مرمت،دلہ زاک روڈ مومن ٹاؤن میں 96100000 روپے کی لاگت سے 28 کلو میٹر لمبا سوئی گیس پائپ لائن کا جال بچھا کر باقاعدہ افتتاح کیا گیا اسی طرح لطیف آباد میں نگران حکومت کے دور میں منظور پل اور اسکی سائیڈ وال پر تعمیراتی کام کا آغاز کرکے افتتاح کرکے عوام کو سہولیات فراہم کی گئی جبکہ حالیہ بارشوں کے پیش نظر سیلاب سے متاثرہ علاقوں میں ایری گیشن ڈیپارٹمنٹ حکام کے ہمراہ عوام کو انکے گھر کی دہلیز پر ریلیف فراہم کیا اور یہ کہ پی 82 میں روانہ کی بنیاد پر مقرر کردہ ٹیمیں صفائی ستھرائی کو یقینی بنانے اور گلی کوچوں میں سٹریٹ لائٹس کی تنصیب کی گئی اسی طرح محرم الحرام سے قبل ہی اہل تشیع برادری کی مطالبہ پر انکے بجلی، سوئی گیس اور دیگر اہم مسائل کو حل کرنے کیلئے متعلق حکام سے رابطہ کرکے انہیں حل کیا گیا جبکہ شہر بھر کے 67 امام بارگاہوں میں بجلی و گیس کی لوڈ شیڈنگ نہ کرنے کے احکامات جاری کروائے گئے پشاور پریس کلب میں ایک پر ہجوم پریس کانفرنس سے خطاب کرتے ہوئے ایم پی اے ملک طارق اعوان نے مزید کہا کہ جہاں پر دہشتگردی کی لہر دوبارہ جنم لے رہی ہے وہاں ضرب استحکام آپریشن کی مکمل حمایت کرتے ہیں اور یہ کہ حکومت تمام سٹیک ہولڈرز کو بھی اعتماد میں کے انکا کہنا تھا کہ این سی 26محلہ اسلام آباد میں جرائم کی بیخ کنی کیلئے پولیس چوکی کے قیام کیلئے پولیس کے اعلی حکام سے رابطہ میں ہے انشاء اللہ جلد مزکورہ علاقہ میں پولیس چوکی کے قیام سے جرائم پر قابو اور اہلیان علاقہ سکھ کا سانس لینگے اسی طرح محلہ اسلام آباد میں خواتین کیلئے جلد مدرسہ کا قیام بھی عمل میں لایا جائے گا ایک سوال کے جواب میں ن لیگی ایم پی اے نے کہا کہ صوبائی وزیر اعلی سردار علی امین خان گنڈا پور ٹکراؤ کی سیاست کو رد کرتے ہوئے صوبہ کے عوام کے فلاح و بہبود کیلئے وفاق کے ساتھ مل کر کام کریں اور یہ کہ اپوزیشن بھی انکے مثبت اور عوامی کاموں میں انکا بھرپور ساتھ دیگی انہوں نے کہا کہ مخصوص نشستیں اپوزیشن کا حق ہے اور چنانچہ سنی اتحاد کونسل کو مخصوص نشستیں الاٹ کرنے میں قانون سقم سب سے بڑی رکاوٹ ہے لہذا عدالت عظمی کی جانب سے الیکشن کمیشن کے فیصلہ کو برقرار رکھنے کی امید ہے ملک طارق اعوان نے کہا کہ قائد ن لیگ میاں محمد نواز شریف کی قیادت میں وزیر اعظم میاں محمد شہباز شریف،وزیر اعلی پنجاب محترمہ مریم نواز اور انجینئر امیر مقام خیبر پختونخوا میں عوام کو ریلیف اور سہولیات فراہم کرنے میں کوشاں ہیں اور یہ کہ میاں محمد نواز شریف کے ویژن کے مطابق خیبر پختونخوا سمیت ملک بھر کو امن کا گہوارا بنایا جائے گا اور ملک کو مزید مستحکم کیا جائیگا