ہریتھک روشن اور دیپیکا پڈوکون کی ایکشن فلم ’فائٹر‘ کا نیا پوسٹر جاری

Spread the love

ممبئی: بالی ووڈ سپر اسٹار ہریتک روشن اور دیپیکا پڈوکون کی نئی ایکشن فلم ’فائٹر‘ کا نیا پوسٹر جاری کردیا گیا ہے جب کہ فلم کا ٹریلر 15 جنوری کو ریلیز کیا جائے گا۔

فلم میں ہریتھک روشن اور دیپیکا پڈوکون انڈین ایئر فورس کے سکواڈرن لیڈرز کا کردار ادا کریں گے جب کہ انیل کپور کمانڈنگ آفیسر کے کردار میں نظر آئیں گے۔

میگا ایکشن تھرلر فلم کی دیگر کاسٹ میں کرن سنگھ گروور، اکشے اوبرائے اور دیگر مشہور اداکار شامل ہیں۔
بلاک بسٹر ‘پٹھان’ کے ہدایت کار سدھارتھ آنند یش راج پروڈکشن کے تحت ایکشن فلم بنا رہے ہیں اور یہ ہندوستان کے 75 ویں یوم جمہوریہ پر ریلیز ہوگی۔

ہریتھک روشن اور دیپیکا پڈوکون پہلی بار ‘فائٹر’ کے ساتھ اسکرین اسپیس شیئر کر رہے ہیں جب سے انہوں نے سدھارتھ آنند کے پروجیکٹ میں الگ سے کام کیا ہے۔

آپ کو بتاتے چلیں کہ ‘فائٹر’ کی پروڈکشن کا اعلان جنوری 2021 میں کیا گیا تھا اور اسے ستمبر 2022 میں ریلیز کیا جانا تھا، لیکن کورونا کی وبا کے باعث اس کی نمائش میں تاخیر ہوئی اور اب یہ 25 جنوری 2024 کو سینما گھروں کی زینت بنے گی۔ ,

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button