سابق امریکی صدر ڈونلڈ ٹرمپ نے 2024 کے صدارتی انتخابات کے لیے اپنی پارٹی کا ٹکٹ حاصل کرنے کی دوڑ میں آئیووا کاکس جیت لیا ہے۔
عالمی خبر رساں ادارے کے مطابق امریکا میں رواں برس ہونے والے صدارتی انتخابات میں رجسٹرڈ ووٹرز اپنی پارٹی کے امیدواروں میں سے کسی ایک کو منتخب کرنے کے مرحلے میں حصہ لے رہے ہیں۔
ریپبلکن ٹکٹ کے چار مضبوط دعویدار ہیں جن میں سابق صدر ڈونلڈ ٹرمپ اور نکی ہیلی جو اقوام متحدہ میں امریکی سفیر ہیں۔
امریکی ریاست آئیووا میں ریپبلکن پارٹی کے ممکنہ صدارتی امیدواروں کے انتخاب کے لیے پارٹی کے ووٹرز نے ووٹنگ میں حصہ لیا جس میں ٹرمپ نے 51 فیصد ووٹ لے کر برتری حاصل کی۔
ٹرمپ کو 56,000 سے زیادہ ووٹ ملے اور انہیں 40 میں سے کم از کم 20 مندوبین کی حمایت حاصل تھی جب کہ دوسرے مضبوط ترین امیدوار ڈی سینٹرز ثابت ہوئے جنہوں نے 23,000 سے زیادہ ووٹ حاصل کیے اور انہیں 8 مندوبین کی حمایت حاصل تھی۔
نکی ہیلی تیسری مضبوط ترین امیدوار ثابت ہوئیں جن پر 21 ہزار سے زائد ووٹرز اور 7 مندوبین نے اعتماد کا اظہار کیا۔
اس طرح ٹرمپ نے یہ مقابلہ بھاری اکثریت سے جیت لیا۔
اس اہم معرکے میں کامیابی کے بعد اس بات کا قوی امکان ہے کہ ڈونلڈ ٹرمپ 2016 اور 2020 کے بعد 2024 میں مسلسل تیسری بار ریپبلکن پارٹی کی صدارتی نامزدگی حاصل کرنے میں کامیاب ہو جائیں گے۔