واشنگٹن: دنیا کے 145 طاقتور ترین ممالک کی فہرست جاری کر دی گئی جس میں پاکستان بھی ٹاپ ٹین میں شامل ہے۔
عالمی خبر رساں ادارے کے مطابق دنیا کی مشہور ویب سائٹ گلوبل فائر پاور نے دنیا کی طاقتور ترین افواج کی فہرست جاری کردی۔ یہ فہرست مذکورہ ملک کے 60 عناصر کو مدنظر رکھ کر بنائی گئی ہے۔
ان عوامل میں جغرافیائی اہمیت، فوجی یونٹوں کی تعداد اور معاشی حالات شامل ہیں۔ ان عناصر کی مدد سے دنیا کی طاقتور ترین افواج کا انڈیکس ریٹ تیار کیا جاتا ہے۔
اس سال جاری ہونے والی فہرست میں پاکستان کی فوج دنیا کی 145 طاقتور ترین افواج میں نویں نمبر پر ہے۔ پاک فوج کی انڈیکس ریٹنگ 0.1711 ہے۔
فہرست میں امریکہ 0.0699 کی انڈیکس ریٹنگ کے ساتھ پہلے نمبر پر ہے، جب کہ روس دوسرے اور چین بالترتیب 0.0702 اور 0.0706 کی انڈیکس ریٹنگ کے ساتھ تیسرے نمبر پر ہے۔
بھارت اور جنوبی کوریا اس انڈیکس میں چوتھے اور پانچویں نمبر پر ہیں جبکہ برطانیہ، جاپان اور ترکی بالترتیب چھٹے، ساتویں اور آٹھویں نمبر پر ہیں۔ اٹلی دسویں نمبر پر ہے۔