ممبئی: بالی ووڈ میگا اسٹار شاہ رخ خان لگاتار تین میگا ہٹ فلموں کے بعد اشتہارات کی دنیا کا سب سے بڑا نام بن گئے ہیں۔
بھارتی میڈیا کے مطابق ’پٹھان‘، ’جوان‘ اور ’ڈنکی‘ کی غیر معمولی کامیابی کے بعد شاہ رخ خان نے بھاری فیسوں پر 10 بڑی کمپنیوں سے معاہدے کیے اور اشتہارات کی دنیا کا سب سے بڑا نام بن گئے۔
رپورٹس کے مطابق شاہ رخ خان نے جنوری سے جولائی 2023 تک 21 برانڈز کے ساتھ معاہدے کیے جس سے شاہ رخ خان کی مانگ اور مقبولیت کا اندازہ ہوتا ہے۔ بالی ووڈ میں شاہ رخ خان کی شاندار کامیابیوں نے انہیں سب سے زیادہ معاوضہ لینے کے باوجود اشتہارات کی دنیا میں بھی پسندیدہ بنا دیا ہے۔