لاہور: پاکستان ہاکی ٹیم پیرس اولمپک کوالیفائر کے سیمی فائنل میں پہنچ گئی۔
اومان کے دارالحکومت مسقط میں پیرس اولمپک ہاکی کوالیفائرز جاری ہیں جہاں پاکستان اور ملائیشیا کے درمیان آخری پول میچ تین تین گول سے برابر ہو گیا۔
پاکستان کی جانب سے سفیان، عماد بٹ اور رانا وحید نے گول کیے جبکہ ملائیشیا کی جانب سے سری فطرتی، ابو کمال اور فرحان اشعری نے گول کیے ۔
پاکستان کے گول کیپر عبداللہ اشتیاق نے شاندار کارکردگی کا مظاہرہ کرتے ہوئے پنالٹی اسٹروک سیو سمیت کئی اہم سیو کئے۔
پاکستان نے چار پوائنٹس کے ساتھ اپنے گروپ میں دوسرے نمبر پر رہ کر سیمی فائنل کے لیے کوالیفائی کیا۔ برطانیہ گروپ میں پہلے نمبر پر رہا۔
سیمی فائنل 20 جنوری بروز جمعہ پاکستانی وقت کے مطابق رات 9:30 بجے کھیلا جائے گا جس میں پاکستان کا مقابلہ جرمنی سے ہوگا۔