نئی دہلی: تیلگو فلم انڈسٹری کے سپر اسٹار وجے دیوراکونڈا نے اپنی اور اداکارہ رشمیکا منڈنا کی منگنی کی خبروں کی تردید کردی۔
گزشتہ دنوں بھارتی میڈیا میں یہ خبر سامنے آئی تھی کہ وجے دیوراکونڈا اور رشمیکا منڈنا رواں سال فروری کے دوسرے ہفتے میں منگنی کریں گے اور کہا جا رہا تھا کہ یہ جوڑا بہت جلد اپنی منگنی کا اعلان کریں گے۔
اب حال ہی میں وجے دیوراکونڈا نے بھارتی میڈیا کو ایک خصوصی انٹرویو دیا جس میں انہوں نے رشمیکا منڈنا کے ساتھ اپنی منگنی کی خبروں کی تردید کی۔
وجے دیوراکونڈا نے تمام افواہوں کی تردید کرتے ہوئے کہا کہ ‘میں فروری میں منگنی یا شادی نہیں کر رہا ہوں لیکن مجھے لگتا ہے کہ میڈیا میری شادی کے لیے بہت خواہش مند ہے۔’
اداکار نے کہا کہ میں ہر سال اپنی شادی کی افواہیں سنتا ہوں، میڈیا مجھے پھنسانے اور شادی کرنے کی کوشش کر رہا ہے۔