دیر: تیسرا ڈپٹی کمشنر آل پاکستان والی بال ٹورنامنٹ، سیمی فائنلز آج

دیر(بیورو رپورٹ) دیر سپورٹس کمپلکس میں ضلعی سپورٹس آفس کے زیر اہتمام تیسرا ڈپٹی کمشنر آل پاکستان والی ڈے اینڈ نائٹ ٹورنامنٹ کا سلسلہ تمام تر رعنائیوں کے ساتھ جاری ہے، ٹورنامنٹ میں سولہ غیر مقامی اور پچیس انٹرڈسٹرکٹ ٹیموں کے سو سے زائد کھلاڑی حصہ لے رہے ہیں ۔ دیرسپورٹس کمپلکس دیر میں تیسرا آل پاکستان اوپن والی ٹورنامنٹ کا آغاز یوم آزدی چودہ اگست سے جاری ہے ڈسٹرکٹ سپورٹس آفیسر صدیق اللہ خان کے مطابق چودہ اگست سے دیر سپورٹس کمپلکس ضلع اپر دیر کے مقامی پچیس ٹیموں کے مابین کوالیفانگ راونڈ ۱۹اگست تک جاری تھے۔ جبکہ ۱۹ اگست سے سولہ غیرمقامی والی ٹیمیں جن میں کے پی کئ پولیس ، محمد شاہ مہمند، وصال کلب کرک ، سلمان کل ڈھکی، امداد کلب پشتون گڑھی ، بلال بانڈہ نبی ، فاروق کلب سوات، مشتاق مہمند کلب، اکرم جانی کلب ڈاگئی ، فرید کلب واڑی عابد جونئیر، سمیع کلب وزیرستان ، یاسر کلب صوابی ، جنید کلب جہانگیرہ نوشہرہ تندر توتان بانڈہ سوات شامل ہیں۔ صدیق اللہ نے بتایا کہ ضلعی انتظامیہ دیربالا اور ڈسٹرکٹ سپورٹس آفس کا مقصد عوام اور خصوصآ نوجوانوں کو کھیل مثبت تفریح کے مواقع فراہم کرنے کے ساتھ کھلاڑیوں کے صلاحیتوں کوابھارنا ہے تاکہ نوجوان نسل اور کھلاڑی ملک و قوم کا نام کھیلوں کے ذریعے روشن کرسکے۔انہوں نے کہا کہ اس حوالے سے ڈپٹی کمشنر نوید اکبر کا کردار اور رہنمائی سب سے اہم ہے کیونکہ انکی رہنمائی اور تعاون سے ہم نہ صرف ضلع اپر دیربالا بلکہ پورے صوبے کے کھلاڑیوں کو دیرسپورٹس کمپلکس میں ٹورنامنٹ کی صورت کھیل کے مواقع فراہم کررہے ہیں ۔ تاکہ صوبہ بھر کے کھلاڑی ایک دوسرے کے تجربات سے مستفید ہوسکے۔ ٹورنامنٹ کے آرگنائزنگ کمیٹی کے رکن رضا اللہ نے کہا کہ ہم دیگر ممبران کمیٹی اورنگزیب المعروف ماما، عابد اور واجد علی تورنامنٹ کے انتظامات کو خود دیکھتے ہیں اور ٹورنامنٹ کے تمام میچز کے ڈراز سمیت دیگر امور کو بہتر طور پر ممکن بنارہے ہیں۔ انہوں نے اس موقع خوشی کا اظہار کیا کہ تیسرا ڈپٹی کمشنر آل پاکستان والی ٹورنامنت میں ملک اور صوبے کے مایہ ناز کھلاڑی حصہ لے رہے ہیں۔جن میں قومی والی بال کے موجودہ اور سابق کھلاڑیوں سمیت کے پی کے پولیس ، آئیرفورس و دیگر کے جید کھلاڑی بھی شریک ہیں۔
ڈی ایس او صدیق اللہ کے مطابق ٹورنامنٹ اب آخری مراحل میں داخل ہوچکا ہے اج کوارٹر فائینل اور سیمی فائنل کے مقابلے ہونگے جبکہ تئیس اگست کو ٹورنامنٹ کا اختتامی رنگا رنگ تقریب ہوگا جس میں فاتح ٹیموں کے کھلاڑیوں میں ٹرافیاں اور نقد انعامات تقسیم کئے جائیں گے۔