لاہور: پاک ایران تعلقات میں بہتری کے بعد ایل پی جی کی قیمت میں 20 روپے فی کلو کمی کردی گئی۔
ایل پی جی ڈسٹری بیوٹرز ایسوسی ایشن کے صدر عرفان کھوکھر کے مطابق ایل پی جی کی قیمت 300 روپے سے کم ہوکر 280 روپے فی کلو ہوگئی ہے اور قیمت میں مزید کمی کا امکان ہے۔
انہوں نے کہا کہ ایل پی جی کی قیمت میں کمی کے بعد گھریلو سلنڈر کی قیمت میں 230 روپے اور کمرشل سلنڈر کی قیمت میں 900 روپے کی کمی ہوئی ہے۔ اگلے 48 گھنٹوں میں قیمت مزید گر سکتی ہے۔
عرفان کھوکھر کا کہنا ہے کہ پاک ایران تعلقات میں بہتری کے بعد گیس مافیا کی کمر ٹوٹ گئی اور ان کے خواب چکنا چور ہوگئے۔