کراچی: عالمی مارکیٹ میں سونے کی قیمت مستحکم رہنے کے باوجود مقامی مارکیٹ میں سونے کی فی تولہ قیمت میں اضافہ ہوگیا۔
منگل کو بین الاقوامی صرافہ مارکیٹ میں سونے کی فی اونس قیمت 2048 ڈالر پر برقرار رہی تاہم مقامی صرافہ مارکیٹوں میں فی تولہ 24 قیراط سونے کی قیمت میں 300 روپے کا اضافہ ہوا۔
سونے کی فی تولہ قیمت 215,100 روپے اور فی 10 گرام سونے کی قیمت 257 روپے اضافے سے 184,413 روپے ہوگئی۔
اس کے برعکس فی تولہ چاندی کی قیمت 2600 روپے اور فی 10 گرام چاندی کی قیمت 2229.08 روپے پر برقرار رہی۔