جان سے مارنےکی دھمکیاں، جیکولین فرنینڈس سکیش چندر کیخلاف تھانے پہنچ گئیں

نئی دہلی: بالی ووڈ اداکارہ جیکولین فرنینڈس نے دھمکیاں ملنے کے بعد جیل میں بند اپنے دوست سکیش چندر شیکھر کے خلاف مقدمہ درج کرا دیا۔

بھارتی میڈیا کے مطابق جیکولین فرنینڈس نے جان سے مارنے کی دھمکیاں ملنے اور ہراساں کیے جانے کے بعد انڈر ورلڈ ڈان اور ان کے دوست سکش چندر شیکھر کے خلاف ایف آئی آر درج کرائی تھی۔

اداکارہ نے دہلی پولیس کمشنر کو ایک خط بھی لکھا ہے جس میں ان سے معاملے کا فوری نوٹس لینے اور کارروائی کرنے کی درخواست کی ہے۔ جیکولین فرنینڈس کا کہنا ہے کہ دھمکیاں ملنے کے بعد وہ مسلسل نفسیاتی دباؤ کا شکار نہیں ہیں اور نشانہ بننے سے خوفزدہ ہیں۔

گزشتہ سال دسمبر میں جیکولین فرنینڈس نے بھی سکش چندر کے لکھے گئے خط اور بیانات پر عدالت سے رجوع کیا تھا اور سکیش کے خلاف کارروائی کی درخواست کی تھی۔

بھارتی اداکارہ جیکولین فرنینڈس 200 کروڑ روپے کی منی لانڈرنگ کیس میں ملوث مرکزی ملزم سکش چندر شیکھر کی گرل فرینڈ رہی ہیں۔ سکش چندرا جیل سے بھی جیکولین فرنینڈس کے بارے میں بیانات دیتے رہتے ہیں اور انہوں نے جیل سے ہی اداکارہ کو محبت کا خط بھی لکھا ہے۔

بھارت کی تفتیشی ایجنسی نے منی لانڈرنگ کیس میں جیکولین فرنینڈس سے بھی تفتیش کی ہے۔ اداکارہ نے سکش چندر شیکھر کے ساتھ اپنے تعلقات کی تردید کی ہے اور منی لانڈرنگ میں ملوث ہونے کے الزامات کی تردید کی ہے۔