واشنگٹن: امریکا کا کہنا ہے کہ وہ پاکستان کے اندرونی معاملات میں مداخلت نہیں کرنا چاہتا۔
امریکی محکمہ خارجہ کے ترجمان میتھیو ملر نے ہفتہ وار میڈیا بریفنگ میں کہا کہ نئی حکومت کی تشکیل پاکستان کا اندرونی معاملہ ہے جس میں وہ مداخلت نہیں کرنا چاہتا۔
انہوں نے کہا کہ پاکستان میں انتخابات میں دھاندلی یا مداخلت کے دعوؤں کی مکمل اور شفاف تحقیقات ہونی چاہیے جو کہ پاکستان کے اپنے قوانین اور طریقہ کار کے مطابق ہونی چاہیے۔
امریکی محکمہ خارجہ کے ترجمان کا مزید کہنا تھا کہ وہ مداخلت یا دھوکہ دہی کے الزامات کی مکمل تحقیقات چاہتے ہیں۔ ہم دنیا بھر میں انٹرنیٹ سروس کی بلا تعطل فراہمی دیکھنا چاہتے ہیں۔