کراچی: عالمی سطح پر سونے کی قیمت میں اضافے کے بعد ملک میں بھی سونا مہنگا ہوگیا۔
بین الاقوامی بلین مارکیٹ میں منگل کو سونے کی فی اونس قیمت 2 ڈالر اضافے سے 2056 ڈالر ہوگئی۔
اس کے ساتھ ساتھ مقامی صرافہ مارکیٹوں میں 24 قیراط سونے کی فی تولہ قیمت 100 روپے اضافے سے 215900 روپے اور فی 10 گرام سونے کی قیمت 86 روپے اضافے سے 185100 روپے ہو گئی۔
ملک میں سونے کی قیمتوں میں اضافے کے برعکس فی تولہ چاندی کی قیمت بغیر کسی تبدیلی کے 2570 روپے اور فی 10 گرام چاندی کی قیمت بغیر کسی تبدیلی کے 2203.36 روپے پر برقرار رہی۔