پاکستان تحریک انصاف کی خاتون راہنما نصرت بیگم نے کہا ہے کہ نئی بننے والی صوبائی حکومت میں دیر کی خواتین کو سہولیات فراہم کرنے میں کوئی کسر نہیں چھوڑی جائے گی اور وہ اپنی ٹیم کے ہمراہ دیر کی نظرانداز شدہ خواتین کی ہر ممکن مدد کرے گی۔ گزشتہ روز ہمارے نمائندے سے گفتگو کرتے ہوئے نصرت بیگم، جنھوں نے ازاد حیثیت سے 2013 کے عام انتخابات میں دیر پائین سے قومی اسمبلی کی نشست کیلئے انتخاب لڑا تھا، نے کہا کہ انھوں نے گزشتہ روز خیبر پختونخواہ کیلئے نامزد وزیر اعلی علی امین گنڈاپور سے پشاور میں ملاقات کی اور انھیں دیر کی پسماندہ خواتین کے مسائل اور الیکشن میں بڑی تعداد میں پی ٹی ائی کو ووٹ دینے کے حوالے سے اگاہ کیا۔ نصرت بیگم نے کہا کہ نامزد وزیر اعلی نے انھیں دیر میں اہم زمہ داری سونپنے کا وعدہ کیا اور کہا کہ پسماندہ اضلاع کے عوام بالخصوص خواتین کے مسائل ترجیحی بنیاد پر حل کئے جائیں گے۔