دوحہ: قطر میں اسرائیل کے لیے جاسوسی کے جرم میں سزائے موت پانے والے بھارتی بحریہ کے آٹھ سابق افسران کو رہا کر دیا گیا ہے۔
بھارتی بحریہ کے سابق اہلکاروں کو 2022 میں قطر کے خلاف اسرائیل کے لیے جاسوسی کے الزام میں گرفتار کر کے جیل بھیج دیا گیا تھا، جس کے بعد ان کے خلاف قانونی کارروائی شروع کی گئی تھی، گرفتار اہلکاروں کو کلیئر ہونے کا پورا موقع فراہم کیا گیا تھا۔
جب جاسوس افسران ڈاہر گلوبل ٹیکنالوجی میں چھوٹی آبدوزیں بنانے جیسے حساس منصوبے پر کام کر رہے تھے تو بھارتی ایجنسیاں جاسوس افسران کو مدد فراہم کرتی رہیں۔
بھارتی بحریہ کے 8 سابق اہلکاروں کی سزائے موت دسمبر 2023 میں تبدیل کر دی گئی تھی۔
بھارت نے رہا کیے گئے 8 میں سے 7 سابق اہلکاروں کی واپسی کی تصدیق کر دی ہے۔ یہ ریلیز ایک ایسے وقت میں ہوئی ہے جب ہندوستان اور قطر نے 78 بلین ڈالر کے مائع قدرتی گیس کے معاہدے پر دستخط کیے ہیں۔
بھارتی انٹیلی جنس افسران میں کیپٹن نتیج سنگھ گل، بیرندر کمار ورما، سوربھ وشیشتھا، کمانڈر امیت نگپال، پرندو تواری، سگناکر پکالا، سنجیو گپتا اور سیلر راجیش شامل ہیں۔