پشاور ( خلیل خان سے )الخدمت فاونڈیشن نے 20لاکھ روپےکی لاگت سے جی ٹی روڈ پر پینے کے صاف پانی کی فراہمی کے لٸے واٹر فلٹریشن پلانٹ کا افتتاح کردیا۔
چمکنی اور سردارگڑھی بی آر ٹی اسٹیشنوں کےسنگم پر واقع الخدمت واٹرفلٹریشن پلانٹ کا افتتاح صوباٸی امیر جماعت اسلامی پروفیسر محمد ابراہیم خان نے کیا
ڈبلیو ایچ اومعیار کے مطابق بناٸے گٸے آراو فلٹریشن پلانٹ سے شہریوں کو فی گھنٹہ ایک ہزار لیٹر صاف پانی میسرھوگا۔
الخدمت فاونڈیشن نے جی ٹی روڈ پرعوام کو پینے کے صاف پانی کی فراہمی کے لٸے صوبے کے دسویں آر او واٹرفلٹریشن پلانٹ کا افتتاح کردیا جو کہ چمکنی اور سردار گڑھی بی آرٹی اسٹیشنوں کےسنگم پرواقع ھے جس سے علاقے میں واقع تعلیمی اداروں،مارکیٹوں،ورکشاپس اور علاقہ مکینوں کو آلودہ پانی سے نجات ملے گی اور عوام کو ڈبلیو ایچ او معیارکے مطابق پینے کا صاف پانی میسرھوگا۔الخدمت آراو واٹرفلٹریشن پلانٹ سردارگڑھی کاافتتاح امیر جماعت اسلامی خیبرپختونخواپروفیسرمحمد ابراہیم خان نے الخدمت فاونڈیشن کے صوباٸی صدر خالدوقاص کے ہمراہ کیا۔اس موقع پر جماعت اسلامی کے صوباٸی جنرل سیکرٹری عبدالواسع،ضلعی جنرل سیکرٹری ہدایت اللہ خان ، الخدمت فاونڈیشن ضلع پشاور کے صدر ارباب عبدالحسیب اور الخدمت فاونڈیشن کے صوباٸی ریجنل منیجر ڈاکٹر شکیل احمد بھی موجود تھے۔افتتاح کے موقع پر جماعت اسلامی اور الخدمت فاونڈیشن کے ذمہ داران نے کہا کہ اس وقت پاکستان میں 80فیصد سے زاٸد آبادی کو پینے کے صاف پانی کی عدم دستیابی کا سامناھے جس کی وجہ سے پاکستان میں ہرپانچواں شخص آلودہ پانی کے استعمال سے بیماری کا شکار ھوجاتاھے۔سیلاب اوردیگرقدرتی سانخات سے متاثرہ افرادکاسب سے بڑامسلہ بھی پینے کے صاف پانی کی عدم دستیابی کاھوتاھے۔پاکستان میں آلودہ اور مضرصحت پانی کےاستعمال سے ہرسال لاکھوں بچے پیٹ کی بیماریوں میں مبتلاھوکرموت کا شکار ھوجاتے ہیں۔الخدمت فاونڈیشن ملک بھر میں دیگرخدمات کے ساتھ ساتھ پینے کےصاف پانی کی فراہمی کےلٸے بھی کوشاں ھے۔اس وقت صوبہ بھر میں الخدمت فاونڈیشن کے تحت 10آراوپلانٹس فعال جبکہ مذید دوکاافتتاح جلدھوگا۔الخدمت فاونڈیشن نے صرف خیبرپختونخواکی حد تک گزشتہ ایک سال کے دوران 137.1ملین روپے کی لاگت سے پینے کے صاف پانی کے چھوٹے بڑے853منصوبے مکمل کٸے ہیں جن سے روزانہ کی بنیادپرایک لاکھ 11ہزار سے زاٸد افراد استفادہ کررہے ہیں۔