لاہور ہائیکورٹ کے راولپنڈی بنچ نے انتخابی نتائج میں دھاندلی کے خلاف پی ٹی آئی کی آزاد امیدوار سمبیا طاہر، سابق وزیر راجہ بشارت کی درخواستیں مسترد کر دیں۔
سابق وزراء راجہ راشد حفیظ، زیاد خالق کیانی، ناصر خان، عامر افضل، کرنل اجمل صابر، مری کے میجر لطاسب ستی کی درخواستیں بھی مسترد کر دی گئیں۔
لاہور ہائیکورٹ راولپنڈی بینچ کے جج جسٹس صداقت علی خان نے فیصلہ سناتے ہوئے کہا کہ درخواست گزار براہ راست ہائیکورٹ نہیں آسکتے، تمام درخواست گزار پہلے الیکشن کمیشن آف پاکستان سے رجوع کریں، درخواست گزار الیکشن کمیشن کے فیصلے کے خلاف ہائیکورٹ آسکتے ہیں۔
ہائیکورٹ نے ہدایت کی کہ الیکشن کمیشن درخواست پر نظرثانی کرے، ہائیکورٹ اپنے فیصلے کے خلاف سماعت کی مجاز ہے، تمام درخواست گزار آج ہی الیکشن کمیشن سے رابطہ کریں۔