انسٹیٹیوٹ آف بائیوٹیکنالوجی اینڈ جینیٹک انجینئرنگ
زرعی یونیورسٹی پشاور کے انسٹیٹیوٹ آف بائیوٹیکنالوجی اینڈ جینیٹک انجینئرنگ (آئی بی جی ای) نے ہر سال کی طرح اس سال بھی طلباء کی ذہنی و جسمانی نشوونما کے حوالے سے ڈیپارٹمنٹل سپورٹس فیسٹیول 2024 کا انعقاد کیا تھا۔ جو ہفتہ بھر جاری رہا فیسٹیول میں کل سات کھیل کھیلے گئے جن میں فٹ بال، کرکٹ، والی بال، بیڈ مینٹن، ٹیبل ٹینس، باسکٹ بال اور رسہ کشی شامل تھے۔
سپورٹس فیسٹیول میں بوائز و گرلز کے 9 ٹیموں آئی بی جی ای ویٹرنز، آئی بی جی ای میوریکس، آئی بی جی ای ڈومینیٹرز، آئی بی جی ای فالکنز، آئی بی جی ای واریرز، آئی بی جی ای ٹائٹنز، آئی بی جی ای زلمی، آئی بی جی ای اسٹالینز، آئی بی جی ای ٹائیگرز نے حصہ لیا۔
ویٹرنز نے بیڈمنٹن اور ٹیبل ٹینس چیمپئن شپ ، واریرز نے باسکٹ بال ، زلمی بوائز نے کرکٹ و رسہ کشی، زلمی گرلز نے بیڈمنٹن و لوڈو، اسٹالین بوائز نے والی بال، اسٹالین گرلز نے رسہ کشی جبکہ ٹائیگرز نے فٹبال چیمپئن شپ جیت لی۔
فیسٹیول میں فیکلٹی ممبران اور طلبہ و طالبات نے کافی جوش دیکھایا اور رنگارنگ غباروں، بینرز اور جھنڈیاں اٹھا کر مہمان خصوصی اور دیگر شرکاء استقبال کیا۔
مہمان خصوصی وائس چانسلر پروفیسر ڈاکٹر جہان بخت نے سپورٹس فیسٹیول کے انعقاد پر منتظمین کی تعریف کی اور کہا کھیل ہمارے لئے کلاس رومز کی طرح ضروری ہے کیونکہ بہترین مطالعہ کے لئے صحت مند دماغ کا ہونا لازمی ہیں، جس کے لئے کھیل کود میں حصہ لینا ضروری ہیں۔ انہوں نے کہا کہ جہاں کھیل کے میدان آباد ہو وہاں ہسپتال ویران ہونگے۔ اس قسم کے کھیلوں کے ساتھ ساتھ تقریری ، پوسٹرز، مشاعروں وغیرہ کے مقابلوں کے انعقاد کا بھی اہتمام کیا جائے تاکہ ہمارے نوجوان اپنی صلاحیتوں کا بھرپور مظاہرہ کرتے ہوئے آگے بڑھیں اور ان میں خود اعتمادی و انسانی اقدار کا جذبہ پیدا ہو۔
ڈائریکٹر آئی بی جی ای پروفیسر ڈاکٹر اسد جان اور پروفیسر ڈاکٹر اقبال منیر نے مہمان خصوصی وائس چانسلر پروفیسر ڈاکٹر جہان بخت و دیگر شرکاء کو خوش آمدید کہا اور فیکلٹی ممبران سمیت طلبہ و طالبات کا شکریہ ادا کیا