دیر بالا . ( نمائندہ نوائے دیر)
دیر بالا پولیس کی جرائم پیشہ و منشیات فروش عناصر کیخلاف بلا تفریق کاروائیاں،
03 منشیات فروشان سمیت 32 ملزمان گرفتار، چرس اور غیرقانونی اسلحہ ایمونیشن برآمد۔۔۔
عوام کے جان و مال، عزت کا تحفظ اور امن و امان کو برقرار رکھنا اولین ترجیح ہے۔۔۔ (ڈی پی او دیر بالا وقاراحمد)
تفصیلات کے مطابق دیر بالا پولیس کی طرف سے گزشتہ 24 گھنٹوں میں 03 منشیات فروشان سمیت 32 ملزمان مختلف مقدمات اور پابند ضمانت کے خاطر گرفتار کر لیے گئے۔
اس کے علاوہ جرائم پیشہ عناصر کے خلاف دیر بالا پولیس نے مختلف مقامات پر سرچ اینڈ سٹرائیک آپریشنز کا انعقاد کیا۔
جبکہ نیشنل ایکشن پلان کے تحت مختلف مقامات چیک کر کے 03 مشتبہ افراد گرفتار کر لیے گئے،
کاروائی انسدادی کے غرض سے 17 ملزمان پابند ضمانت ہوئے۔
اسی طرح تھانہ کلکوٹ اور تھانہ جاگام پولیس نے منشیات فروشوں کے خلاف کاروائی کرتے ہوئے منشیات فروشان کو چرس سمیت حسب ضابطہ گرفتار کر کے ملزمان کے خلاف منشیات ایکٹ کے تحت مقدمات درج رجسٹرڈ کر لیے۔
جبکہ تھانہ شرینگل، تھانہ صاحب آباد اور تھانہ شاہی کوٹ پولیس نے غیرقانونی اسلحہ ایمونیشن کے خلاف کاروائی کرتے ہوئے 03 ضرب پستول، 04 عدد چارجرز اور 47 عدد کارتوس برآمد کر کے ملزمان کے خلاف اسلحہ آرڈیننس کے تحت مقدمات درج رجسٹرڈ کر لیے۔