سوات(بیورورپورٹ) تحریک لبیک ضلع سوات کا قادیانیوں کی حمایت میں عدالتی فیصلے کے خلاف سوات پریس کلب کے سامنے احتجاجی مظاہرہ، جرم چار دیواری کے اندر ہو یا باہر جرم جرم ہوتا ہے عدالتی فیصلہ غیر ائینی غیر قانونی اور غیر شرعی ہے لہذا یہ فیصلہ واپس لیا جائے تحفظ ختم نبوت قانون میں کسی قسم کی تبدیلی کے لیے تیار نہیں،ان خیالات کا اظہار تحریک لبیک ملاکنڈ ڈویژن کے صدر علامہ محمد رضا خان قادری، مولانا محمد سراج مفتی عبدالکبیر اور دیگر نے احتجاجی مظاہرے کے شرکاء سے خطاب کرتے ہوئے کیا، مظاہرین نے پلے کارڈز اٹھا رکھے تھے جس پر قادیانی کافر ہیں، فتنہ ہے جیسے نعرے درج کیے گئے تھے، انہوں نے کہا کہ عدالتی فیصلے کے مطابق قادیانیوں کو چاردیواری کے اندر مذہبی رسومات ادا کرنے کی اجازت دی گئی ہے حالانکہ قادیانیت کوئی مذہب نہیں بلکہ فتنہ ہے اس فیصلے سے ہر مسلمان کے دل کو ٹھیس پہنچا ہے، انہوں نے کہا کہ اگر یہ فیصلہ واپس نہیں لیا گیا تو ہم سڑکوں پر نکل کر احتجاجی تحریک شروع کریں گے.