ضلعی انتظامیہ دیر پائین
یوم سیاہ کشمیر کے حوالے سے ضلعی انتظامیہ کے زیر نگرانی یوتھ ڈیپارٹمنٹ ، ٹی۔ ایم۔ اے تیمرگرہ اور محکمہ تعلیم کے تعاون سے پروگرام/ واک کا انعقاد۔
صوبائی حکومت کے احکامت کی روشنی میں آج مورخہ 27 اکتوبر 2024 کوڈسٹرکٹ اسمبلی ہال بلامبٹ میں ایڈیشنل ڈپٹی کمشنر فنانس اینڈ پلاننگ جناب گوہر علی اور اسسٹنٹ کمشنر تیمرگرہ جناب زید صافی کے زیر نگرانی یوم سیاہ کشمیر کے حوالے سے ایک تقریب منعقد ہوئی ۔ پروگرام میں ڈسٹرکٹ یوتھ آفیسر ملک شہزاد طارق، پرنسپل گورنمنٹ ہائی سکول بلامبٹ جناب سلیم خان، گورنمنٹ ہائی سکول میاں بانڈہ وایس پرنسپل جناب عبدالودود خان ، جناب شہزاد درانی ڈسٹرکٹ انچارج سیول ڈیفنس، ٹی۔ایم ۔ اے تیمرگرہ کے نمایندوں محکمہ جات کے آفسران، سیول ڈیفنس کے رضا کاروں، اساتذا کرام، طلبا وطالبات، میڈیا کے نمائیندہ، سیول سوسائیٹی ، ہیومن رایٹس ایکٹوسٹ ، سماجی کارکن ملک ضیا الحق اور عوام نے بڑی تعداد میں شرکت کی۔
تقریب کا باقاعدہ آغاز تلاوت قرآن پاک سے شروع ہوا ۔ ضلعی انتظامیہ نے یوم سیاہ کشمیر کے حوالے سے ڈاکومنٹری اورقومی اور کشمیری ترانے پیش کی۔ جبکہ سکول کے بچوں نے ملی نغمے ،نظمیں ، تقاریر پیش کی اور ٹیبلو کے ذریعے مقبوضہ کشمیر میں انسانی حقوق کے سنگین خلاف ورزیوں کو اجار کیا ۔ کشمیری بھائی سے اظہار یکجہتی اور ان کے حق خود ارادیت کو دبانے پر شرکاٗ نے ایک منٹ کی خاموشی اختیار کی۔ پروگرام کے مہمان خصوصی نے 27 اکتوبر یوم سیاہ کے حوالے سے تفصیلی روشنی ڈالتے ہوئے کہا کہ ہندوستان نےاسی دن 27 اکتوبر 1948 کو کشمیر پر غیر قانونی طور پر قبضہ کرکے بین الاقوامی قوانین کی خلاف ورزی کی۔ بعد ازاں کشمیر کا خصوصی حیثیت ارٹیکل 370 اور 35 اے کے ذریعے ختم کر دیا۔ جس کی وجہ سے کشمیری آج تک اپنے گھروں میں محصور ہے ۔ عالمی برادری کشمیر کے حوالے سے منصفانہ کردار ادا کریں اور اپنے قرارداوں پر عمل در عمل یقنی بنائیں۔
اسسٹنٹ کمشنر تیمرگرہ نے اس موقع پر خطاب کرتے ہوئے کہا کہ کہ ہندوستان مقبوضہ کشمیر میں کھلے عام عالمی انسانی حقوق کی خلاف ورزی کررہا ہے ۔کئی سالوں سے کشمیریوں پر ظلم کے پہاڑ ٹوٹ رہے ہے ہم اپنے کشمیری بھائیوں کو یقین دلاتے ہیں کہ پاکستانی عوام آپ کے شانہ بشانہ کھڑے تھے ،کھڑے ہیں ،اور کھڑے رہیں گے ۔ مقررین نے کہا کہ ہندوستانی سرکار ریٹارڈ ملازمین کوکچھ مراعات کا لالچ دیں کر مقبوضہ کشمیر میں آباد کررہے ہیں تاکہ کسی طریقے سے مقبوضہ کشمیر میں مسلمانوں کی اکثریت کو اقلیت میں بدل دیا جائے۔
ڈسٹرکٹ یوتھ آفیسر جناب شہزاد خان نے کہا کہ اس یوم سیاہ منانے کا مقصد کشمیری بھایوں کو یہ یقین دلانا ہے کہ تمام پاکستانی خاص کر نوجوان ہر فورم پر کشمیر کے لئے آواز اٹھائیں گے۔
اچھی تقاریر اور ملی نغمے پیش کرنے پر اسکول کے بچوں میں تعریفی سرٹیفکیٹس اور ٹرافیاں تقسیم کی گئی ۔