سوات(بیورورپورٹ)سوات کے علاقے اسلام پور میں ایلیٹ فورس کے اہلکار نے گھر آئے جرگہ پر فائرنگ کرکے چچابھتیجے کو قتل کردیا جبکہ اس کی ناراض بیوی شدید زخمی ہوگئی ۔ مقتولین میں پولیس اہلکار سرفراز اوراس کا بھتیجا ڈاکٹر عمران نے ملزم شوکت کی ناراض بیوی خاتون پولیس اہلکار خارونئی کو لیکر جرگہ کے لئے آئے تھے ۔ ڈسٹرکٹ پولیس آفیسر سوات بادشاہ حضرت خان کے مطابق واقعہ تھانہ سیدوشریف کی حدودمیں واقع علاقہ اسلام پور میں پیش آیا ۔ جہاں پر پولیس اہلکار شوکت ولد خان جان نے گھر آئے ہوئے جرگہ پر فائرکھول دیا ۔ جس کے نتیجے میں پولیس اہلکار سرفرازولد محمدزرین سکنہ بازخیلہ مٹہ تحصیل موقع پر جاں بحق ہوگیا جبکہ ان کے بھتیجا ڈاکٹر عمران اور اس کی اہلیہ مسماۃ خارونئی زخمی ہوگئے ۔ لاش اور زخمیوں کو فوری طبی امداد کے لئے سیدوٹیچنگ اسپتال منتقل کردیا گیا ۔جہاں پر ڈاکٹر عمران بھی زخموں کی تاب نہ لاتے ہوئے چل بسے ۔ پولیس کے مطابق ملزم کی پولیس سپاہی بیوی خارونئی نے اپنے شوہر سے علحیدگی اختیار کرکے باز خیلہ مٹہ تحصیل میں سکونت اختیار کرلی تھی ۔ مقتولین خاتون سپاہی کے ہمراہ جرگہ کیلئے آئے تھے کہ اس دوران فریقین کے مابین جرگہ میں تکرار ہوئی ۔ جس پر ملزم شوکت نے ان پر فائرنگ کردی ۔
۔۔۔۔۔۔۔۔۔۔