ڈپٹی کمشنر سوات شہزادمحبوب نے متعلقہ حکام کو ہدایت کی ہے کہ عوام الناس کے مسائل حل کرنے میں کسی بھی قسم کی غفلت و کوتاہی برداشت نہیں ہوگی، اپنے دفاتر کے دروازے عوام الناس کیلئے کھلے رکھیں، لینڈ ایکویزیشن کیسز زکے انتقالات، اور ریونیو کورٹ کیسزز،کو جلد از جلد نمٹا ئیں تاکہ عوام کو گھر کی دہلیز پر انصاف میسر آسکیں۔ ان خیالات کا اظہار انہوں نے اپنے دفتر میں منعقدہ ماہانہ ریونیو اجلاس کی صدارت کے دوران کیا۔تفصیلات کے مطابق ڈپٹی کمشنر سوات شہزاد محبوب کی زیر صدارت ماہانہ ریونیو ریویو کمیٹی کاجائزہ اجلاس ہوا جس میں ضلع سوات کے تمام اسسٹنٹ کمشنرز بذریعہ ویڈیولنک، ڈپٹی ڈائریکٹر لینڈ ریکارڈزکمپیوٹرائزیشن سوات، تحصیلداران، سب رجسٹرارز و دیگر ریونیو افسران نے شرکت کی۔اجلاس میں ریونیو کورٹ کیسزز، لینڈ ٹیکس/فیس ریکوری، زیر التواء انتقالات/رجسٹریز اور سروس ڈیلیوری سنٹر کے مسائل کے حوالے سے تفصیلی بریفنگ دی گئی۔ ڈپٹی کمشنر سوات نے کہا کہ ریونیو کورٹ کیسززکو جلد از جلد انصاف کی بنیاد پر نمٹائیں،اور سرکاری امور کی انجام دہی میں شفافیت اور دیانت داری سے کام لیں۔ سرکاری ریٹس کوسروس ڈیلیوری سنٹرز، پٹوار خانہ جات ودیگر متعلقہ دفاترمیں نمایاں مقامات پر اویزاں کریں۔ اسسٹنٹ کمشنرز و تحصیلداران کو ہدایات جاری کرتے ہوئے انہوں نے کہا کہ تمام انتقالات و رجسٹریز کے فیڈ بیک حاصل کرنے کیلئے بیشتر زمین مالکان کو فون کالز کریں اور اُن سے ریونیو عملہ کے رویوں، وصول شدہ فیس و ٹیکسز اور دیگر اُمور کے حوالے سے معلوما ت حا صل کریں اور ریونیو امور کے نظام میں شفافیت لانے کیلئے مزید اقدامات اُٹھائے۔ انہوں نے کہا کہ تمام افسران اپنی کارکردگی کو بہتر بنائیں اور کورٹ کیسز ز کو جلد از جلد انصاف کی بنیادوں پر نمٹانے کی کوشش کریں، تاکہ عوام کوہرممکن سو لہیات میسر آ سکے۔