آئندہ انتخابات میں نواز شریف وزیراعظم بنے گا: حاجی صدیق اللّٰہ

صوبائی نائب صدر پاکستان مسلم لیگ ن حاجی صدیق اللّٰہ نے کہا ہے کہ مستقبل پاکستان مسلم لیگ ن کا ہے اور نواز شریف ایک بار پھر وزیراعظم پاکستان بنے گا۔

اب عوام سمجھ چکی ہے کہ پاکستان کو بحرانوں سے نکالنے کی صلاحیت صرف میاں نواز شریف کے پاس ہے کیونکہ ان کو جب بھی موقع ملا ہے

انہوں نے عوام کو ہر قسم کا ریلیف دیا ہے اور عوام کے امنگوں کی حقیقی ترجمانی کی ہے۔

ان کا مزید کہنا تھا کہ الیکشن اناونس ہونے کے بعد تمام سیاسی جماعتوں کو کمپین کیلئے یکساں مواقع دینا چاہیئے۔ اس موقع پر ان کا یہ بھی کہنا تھا کہ پاکستان مسلم لیگ ن ہر وقت ایلکشن کیلئے تیار ہیں اس ملک کا مستقبل عام انتخابات میں ہے۔ انہوں نے مزید کہا کہ پاکستان مسلم لیگ ن اپنے منشور جس میں ترقی،معاشی استحکام، دہشتگردی سے پاک پاکستان کا ہے۔اس موقع پر انہوں نے یہ بھی کہا کہ آئندہ عام انتخابات میں پورے ملک کی طرح بونیر سے بھی پاکستان مسلم لیگ ن ایلکشن جیتے گی۔