لاہور: پاکستان ٹیم کی خاتون کرکٹر جویریہ رؤف نے انٹرنیشنل کرکٹ سے ریٹائرمنٹ کا اعلان کردیا۔
انہوں نے 2013 سے 2021 کے درمیان چار ون ڈے اور 13 ٹی ٹوئنٹی انٹرنیشنل میچوں میں پاکستان ویمن کرکٹ ٹیم کی نمائندگی کی۔
جویریہ رؤف نے 2012 میں آئی سی سی ویمنز T20 ورلڈ کپ کے دوران جنوبی افریقہ کے خلاف ٹی ٹوئنٹی ڈیبیو کیا تھا، جب کہ انہوں نے 2013 میں آئرلینڈ کے خلاف ون ڈے ڈیبیو کیا تھا۔
خاتون کرکٹر نے 2011 میں اپنے کیریئر کا آغاز کیا اور 12 سال پر محیط کیریئر میں مختلف گھریلو مقابلوں میں حصہ لیا۔
جویریہ رؤف کا کہنا ہے کہ پرانی یادوں اور تشکر کے جذبات کے ساتھ انٹرنیشنل کرکٹ سے ریٹائرمنٹ کا اعلان کر رہی ہوں۔ اتار چڑھاو کے ساتھ یہ ایک اچھا سفر رہا ہے۔ میں اعلیٰ سطح پر اپنے ملک کی نمائندگی کرنے کو اعزاز سمجھتا ہوں اور میں پاکستان کرکٹ بورڈ کا شکر گزار ہوں کہ انہوں نے مجھے یہ تمام مواقع فراہم کئے۔