جنیوا: اقوام متحدہ اور یورپی یونین نے پاک ایران کشیدگی پر گہری تشویش کا اظہار کرتے ہوئے ممالک کی علاقائی سالمیت اور خودمختاری کو یقینی بناتے ہوئے مسائل کو بات چیت کے ذریعے حل کرنے کی اپیل کی ہے۔
عالمی خبر رساں ادارے کے مطابق اقوام متحدہ کے سیکریٹری جنرل انتونیو گوتریس نے پاکستان اور ایران پر زور دیا ہے کہ وہ تحمل سے کام لیں اور کشیدگی بڑھانے والے اقدامات سے گریز کریں۔
اقوام متحدہ کے سیکرٹری جنرل انتونیو گوتریس نے پاکستان ایران کشیدگی پر تشویش کا اظہار کرتے ہوئے کہا کہ علاقائی سلامتی اور خودمختاری کو یقینی بناتے ہوئے اچھے پڑوسیوں کی حیثیت سے تمام تنازعات اور مسائل کو بات چیت کے ذریعے حل کرنا چاہیے۔
ترجمان یورپی یونین کی جانب سے جاری بیان میں پاک ایران کشیدگی کو مشرق وسطیٰ میں عدم استحکام قرار دیتے ہوئے گہری تشویش کا اظہار کیا گیا ہے۔
ایران کی جانب سے عراق، شام اور پاکستان پر یورپی یونین کے حملوں نے علاقائی سالمیت اور خودمختاری کی خلاف ورزی کی ہے، جس سے خطے میں عدم استحکام پیدا ہوا ہے۔
ترجمان یورپی یونین نے پاکستان کی جانب سے ایران میں جوابی کارروائی پر بھی تشویش کا اظہار کرتے ہوئے کہا کہ فریقین تنازعات کو بات چیت کے ذریعے حل کریں۔