ریاض: سعودی عرب میں مسجد الحرام اور مسجد نبوی کے امور کے نگراں ادارے نے موسم کی تبدیلیوں اور عازمین کی صحت کو سامنے رکھتے ہوئے طبی ہدایات جاری کی ہیں۔
عالمی خبر رساں ادارے کے مطابق رمضان المبارک کا بابرکت مہینہ آگیا ہے اور دنیا بھر سے عازمین کی ریکارڈ تعداد سعودی عرب پہنچ رہی ہے جب کہ یہ عالمی سطح پر فلو، نزلہ اور کھانسی کی بیماریوں کا موسم بھی ہے۔
اسی بات کو مدنظر رکھتے ہوئے محکمہ حرمین شریفین نے اللہ کے مہمانوں کو صحت مند سفر فراہم کرنے کے لیے عملی اقدامات کیے ہیں تاکہ وہ بیمار ہونے کی صورت میں قیمتی اور بابرکت لمحات سے محروم نہ ہوں۔
تنظیم کی جانب سے جاری بیان میں ہدایت کی گئی ہے کہ سعودی عرب آنے والے عازمین حج میں سے اگر کوئی زکام، کھانسی یا فلو میں مبتلا ہے تو اسے ماسک پہننا ہو گا جبکہ دوسروں کی صحت کا خیال رکھا جائے گا۔
بیان میں کہا گیا ہے کہ خاص طور پر مسجد الحرام اور مسجد نبوی میں ماسک کے بغیر داخل نہ ہوں۔ نزلہ، کھانسی، آرام کی صورت میں اپنا خیال رکھیں اور ڈاکٹر کے مشورے کے بغیر اینٹی بائیوٹک کا استعمال نہ کریں۔