ضلع خیبر (صائم افریدی)امیر جماعت اسلامی انجنیئر حافظ نعیم الرحمن صاحب کے ھدایت پر پورے پاکستان میں جماعت اسلامی ممبر سازی مہم جاری ہے۔ اس سلسلے میں جماعت اسلامی لنڈی کوتل کے امیر مراد حسین افریدی کے زیر قیادت ممبر شپ کنونشن بمقام الخدمت فائونڈیشن ہائی اسکول خیبر میں منعقد ہوا جس میں جماعت اسلامی ضلع پشاورکے رہنما پروفیسر حمداللہ جان صاحب، نائب امراء جماعت اسلامی ضلع خیبر جناب شاہ فیصل صاحب، حسن شینواری صاحب، زرنور صاحب اور مقتدر شاہ صاحب سمیت علاقے کے نوجوانوں اور بزرگوں نے کثیر تعداد میں شرکت کی۔
مہمان خصوصی جناب پروفیسر حمداللہ نے شرکاء سے خطاب کرتے ہوئے کہا کہ سابقہ و موجودہ حکمران،ججز،جرنیل وقت کے طاغوت و فرعون ہے۔جماعت اسلامی ان کا احتساب کرینگے۔ امیر جماعت اسلامی پاکستان حافظ نعیم الرحمن صاحب ظالم حکمرانوں سے عوام کے حقوق چھیننے کے لیے میدان میں نکلے ہے اور أج کا کنونشن اس تحریک کا حصہ ہے۔ شاہ فیصل افریدی نے شرکاء سے خطاب میں کہا کہ اس وقت صوبہ اور خصوصاً قبائلی اضلاع بدامنی کے لپیٹ میں ہے جو کہ عسکری اور حکمران سیاسی جماعت کی ناکامی ہے لہذا جماعت اسلامی کا ساتھ دیجیئے جماعت اسلامی کے ممبر بنئیے تاکہ ان نااہل اور کرپٹ حکمرانوں سے نجات ملے اور قوم کو جماعت اسلامی کی امانتدار اور باصلاحیت لیڈرکی صورت میں متبادل موجود ہے
مراد حسین افریدی نے تمام مہمانوں کے تشریف آوری کا شکریہ ادا کیا اور جماعت اسلامی کے ممبرز بننے کی دعوت دی۔۔