سوات(بیورورپورٹ)خیبرپختونخوا کے وزیر برائے لائیو سٹاک، فشریز و کوآپریٹیو فضل حکیم خان یوسفزئی نے کہا ہے کہ عوام کی خدمت ہی ہمارا شعار ہے عوامی ایجنڈے کے مطابق ان کی خدمت کرونگا، سوات کو ترقی کی راہ پر گامزن کرنے کیلئے تمام تر وسائل بروئے کار لائیں گے ان خیالات کا اظہار انہوں نے سوات پریس کلب میں سوات موٹر سائیکل ٹریڈرز یونین کے حلف برداری تقریب سے خطاب کرتے ہوئے کیا، اس موقع پر سوات ٹریڈرز فیڈریشن کے صدر عبدالرحیم، ترجمان ڈاکٹر خالد محمود خالد اور سوات موٹر سائیکل ٹریڈرز یونین کے نومنتخب صدر حسن خان اور دیگر نے بھی خطاب کیا، تقریب سے خطاب کرتے ہوئے صوبائی وزیر فضل خان یوسفزئی نے کہا کہ میں نومنتخب کابینہ کو مبارکباد پیش کرتا ہوں اور امید ظاہر کرتا ہوں کہ نومنتخب عہدیداران اپنے ساتھیوں کے اعتماد پر پورا اترنے کی بھر پور کوشش کریں گے اور ان کی خدمت اپنا شعار بنائیں گے، انہوں نے کہا کہ میں عوامی نمائندہ ہوں اور عوام کی خدمت کرنا ہم پر فرض ہے، عوامی ایجنڈے کے مطابق سوات کو ترقی کی راہ پر گامزن کرنے کیلئے تمام تر وسائل بروئے کار لائیں گے، انہوں نے کہا کہ سوات موٹر سائیکل ٹریڈرز یونین کے نومنتخب کابینہ کے ساتھ ہر قسم تعاون کریں گے ان کے مسائل کو حل کرنے کے لئے بھر پور کوشش کرونگا، اس موقع پر صوبائی وزیر فضل حکیم خان یوسفزئی نے سوات موٹر سائیکل ٹریڈرز یونین کے نومنتخب کابینہ سے حلف لیا، تقریب کے آخر میں نومنتخب صدر حسن خان نے کہا کہ میں آنے والے تمام مہمانوں کو خوش آمدید کہتا ہوں اور اپنے ساتھیوں کا بے حد مشکور ہوں کے انہوں نے ہم پر اعتماد کرکے ہمیں ذمہ داری سونپی ہے، انہوں نے کہا میں ساتھیوں کے اعتماد کو برقرار رکھ کر انہیں کبھی ٹھیس نہیں پہنچا ؤنگا اور ساتھیوں کے مسائل کے حل کیلئے ہر ممکن کوشش کرونگا۔