بونیر(اے ار عابد سے) تمباکو کاشتکاران اور تمباکو کمپنیوں کے مابین فی کلو نرخ پر پیدا شدہ اختلافی صورتحال کے پر آ من حل کیلئے اے ڈی سی ریلیف سید اکرم شاہ کے دفتر میں اعلیٰ سطح اجلاس ہوا ہے۔
اجلاس میں اے ڈی سی ریلیف سید اکرم شاہ ،پاکستان ٹوبیکو بورڈ کے افسران وقار گیلانی اور اویس خان تمباکو کمپنیوں پی ٹی سی خیبر وطن انٹرنیشنل کے منیجرز انجمن کاشتکاران کے صدر ظاہر شاہ خان چملہ صدر بلاداللہ خان انجمن کاشتکاران تمباکو کے صدر حمید الرحمان جنرل سیکرٹری انور خان اور انجمن کاشتکاران اور انجمن کاشتکاران تمباکو کے درجوں زمیندار بڑی تعداد میں شریک ہوئے ۔
اجلاس میں ٹوبیکو بورڈ افسران اور اے ڈی سی نے کاشتکاران تمباکو کے جالہ باری سے تمباکو فصل کے نقصان کی تلافی ،متاثرہ تمباکو کاشتکاران کے ادویات اور کھاد کے لئے قرضوں میں ریلیف دینے ،تمباکو کاشتکاران کے کینسل شدہ ایگریمنٹ کا جائزہ لیکر بحال کرنے اور سرکاری نرخ کے مطابق فی کلو تمباکو 919.63 روپیہ مقرر کرنے کے فیصلے ہوئے۔لیکن انجمن کاشتکاران کے صدر ظاہر شاہ خان چملہ صدر بلاد اللہ خان اور دیگر ساتھیوں نے فی کلو سرکاری نرخ سے اتفاق نہیں کیا جبکہ انجمن کاشتکاران تمباکو کے صدر حمید الرحمان نے اس سے اتفاق کیا۔
اجلاس میں تمباکو فی کلو جاری نرخ 919.63 پر انجمن کاشتکاران کو اعتراض تھا اور وہ یہ نرخ 948 روپے فی کلو مقرر کرنے کا مطالبہ کررہے تھے لیکن کمپنیوں کے منیجرز نے موف اپنایا کہ وہ سرکار کی جانب سے مقرر کردہ نرخ سے زیادہ نہیں دے سکتے جس پر تمباکو بورڈ کے وقار گیلانی نے بھی کمپنیوں کے موقف کو درست قرار دیا اور دلیل دی کہ نرخ وزیر اعظم اور وزیر اعلیٰ کی منظوری سے لاگو کئے گئے ہیں۔اجلاس میں ڈرامائی تبدیلی اس وقت دیکھنے کو ملی جب انجمن کاشتکاران اور انجمن کاشتکاران تمباکو کے مابین واضح دوریاں سامنے ائی۔اجلاس میں انجمن کاشتکاران کے صدر ظاہر شاہ خان کی جانب سے مقرر کردہ فی کلو تمباکو سرکاری نرخ پر کسی صورت راضی ہونے کو تیار نہ ہوا اور تمباکو فروخت نہ کرنے ڈپو بند کرنے اور احتجاج کا اعلان کیا۔اجلاس میں انجمن کاشتکاران تمباکو کے صدر حمید الرحمان جنرل سیکرٹری انور شیر خان نے انجمن کاشتکاران کے صدر کے اعلان کی حمایت نہیں کی۔انجمن کاشتکاران تمباکو کے صدر اور جنرل سیکرٹری نے موف اپنایا کہ تمباکو کاشتکاران نے بہت سارے خرچے کئے ہیں اور بہت سارے کاشتکاروں نے قرض لیا ہے اور تمباکو فروخت نہ کئے تو نہ انکے پاس زخیرہ کرنے کے لئے کوئی گودام ہیں اور وہ تمباکو فروخت کرکے خرچے اور قرضے پورے کرنا چاہتے ہیں اور وہ تمباکو فروخت کریں گے اور ڈپو کو بند نہیں ہونے دیں گے۔
اجلاس کے بعد انجمن کاشتکاران کے صدر ظاہر شاہ اور بلاداللہ خان نے میڈیا سے گفتگو کرتے ہوئے اپنے موقف پر ڈٹے رہنے کے عزم کا اظہار کیا اور تمباکو فروخت نہ کرنے ڈپو بند کرنے اور صلاح و مشورہ سے احتجاج شروع کرنے کا اعلان کیا ۔
ادھر انجمن کاشتکاران تمباکو کے صدر حمید الرحمان نے اپنے موقف پر ڈٹے رہنے اور تمباکو فروخت کرنے اور ڈپو کھلا رکھنے کو زمینداروں کے حق میں اچھا فیصلہ قرار دیا اور اس پر عمل کرنے اور زمینداروں کے کیش کرافٹ سے فوری امدن حاصل کرنے کی حمایت کی۔
تاہم اے ڈی سی سید اکرم شاہ نے زمینداروں کے حق میں کئے گئے فیصلوں کو اچھا اقدام قرار دیا اور انجمن کاشتکاران اور انجمن کاشتکاران تمباکو تمباکو بورڈ اور تمباکو کمپنیوں کے مابین پل کا کردار ادا کرتے رہنا اور اصلاح احوال کے لئے اقدامات اٹھانے کے انتظامیہ کے عزم کا اظہار کیا ہے۔