بونیر۔(اے ار عابد سے)
ڈپٹی کمشنر حامد علی خان کی خصوصی ہدایت پر اسپیشل مجسٹریٹ سید اکرم شاہ نے سحری کے وقت ڈگر ہسپتال کے باہر تندور اور پراٹھہ فروشوں کو چیک کیا اور کم وزن، نرخنامہ اور ترازو نہ ہونے پر 2 تندوروں اور 4 پراٹھہ فروشوں کو صبح اپنے دفتر بلاکر جرمانہ یا جیل بھیجا جائے گا۔واضح رہے کہ ڈی ایچ کیو ھسپتال ڈگر میں بونیر ضلع شانگلہ اور ضلع تور غر کے مریض علاج کے کئے اتے ہیں اور انکے ساتھ تیماردار بڑی تعداد میں اتے ہیں جو یہاں پر افطاری اور سحری کرتے ہیں اور اے ڈی سی سید اکرم شاہ کھبی افطاری اور کھبی سحری میں اچانک وزٹ کرتے ہیں اور اشیاء خورد و نوش کے معیار و مقدار اور سرکاری نرخ نامے پر عمل درامد کی خود نگرانی کرتے ہیں اور کسی قسم کی شکایات سامنے انے پر فوری کاروائی کرتے ہیں۔ڈپٹی کمشنر حامد علی خان کے مطابق کڑی نگرانی کیوجہ سے بازاروں میں صورتحال قابو میں ہے اور روزانہ کی بنیاد پر جو رپورٹ صوبائی حکومت کے پاس جاتی ہے اس میں بونیر کارکردگی کے لحاظ سے پہلے چار نمبر میں اتا ہے۔