
ولنیئس: صدر ولادیمیر زیلنسکی نے شکایت کی ہے کہ مغربی ممالک یوکرین کی جنگ میں مدد کرنے سے گریزاں ہیں جس سے روس کے حوصلے بلند ہو رہے ہیں۔
عالمی خبر رساں ادارے کے مطابق یوکرین کے صدر ولادیمیر زیلنسکی سرکاری دورے پر لتھوانیا پہنچ گئے ہیں، جہاں انہوں نے اپنے ہم منصب سے ملاقات کی اور روس یوکرائن جنگ پر تبادلہ خیال کیا۔
ملاقات کے بعد میڈیا سے بات کرتے ہوئے یوکرائنی صدر نے کہا کہ پیوٹن یوکرین پر مسلط کردہ جنگ اس وقت تک ختم نہیں کریں گے جب تک ہم سب روسی جنگ کو منطقی انجام تک نہیں پہنچائیں۔
صدر زیلنسکی نے خبردار کیا کہ پیوٹن کا مقصد صرف یوکرین پر قبضہ کرنا نہیں ہے اور وہ وہاں نہیں رکیں گے بلکہ اس کے بعد لتھوانیا، لٹویا، ایسٹونیا، مالڈووا ہو سکتا ہے اور یہ سلسلہ اس وقت تک نہیں رکے گا جب تک مغربی ممالک اسے نہیں روکیں گے۔
یوکرین کے صدر ولادیمیر زیلنسکی نے شکایت کی کہ روس کی ہماری مدد کرنے میں ہچکچاہٹ روس کو حوصلہ دے رہی ہے۔
قابل ذکر ہے کہ یوکرین پر روس کے حملے کو دو سال ہوچکے ہیں اور روس نے چار علاقوں پر قبضہ کرکے انہیں اپنا بنا لیا ہے۔