لویر دیر
ملک کی دیگر حصوں کی طرح ضلع دیرپائین میں بھی مادری زبانوں کے عالمی دن کی مناسبت سے ملک آباد بلامبٹ میں دیر قامی پاثون کے زیرِ انتظام خصوصی تقریب کا انعقاد کیا گیا جس میں ماہرین تعلیم ،شعراء کرام ،ادیب اور صحابیوں نے کثیر تعداد میں شرکت کی،اس موقع پر ماہرین نے حصول علم کے لیے مادری زبانوں پر عبور کو لازمی قرار دیا اور مادری زبانوں کو نصاب کا حصہ بنانے اور اسے حصول تعلیم کا ذریعہ بنانے پر زور دیا علاوہ ازیں شعراء کرام نے موقع کی مناسبت سے اپنا کلام پیش کر کے حاضرین سے داد وصول کی۔تقریب سے خطاب کرتے ہوئے دیر قومی پاسون کے صدر ملک شاہ نسیم یوسف زئی،عبدالستار خان ،پروفیسر لقمان کیمور،ابراش پاشا،رضوان اللہ شمال اقبال حسین سالار ،افتاب عالم خان،رحمن علی شوگیر،غنی رحمن کاروان،ملک جاوید اقبال، ملک شاہ فیصل ایڈوکیٹ ودیگر نے مادری زبانوں کی اہمیت پر روشنی ڈالی مقررین نے کہا کہ مادری زبان میں حصول علم کے لیے فوری طور پر اقدامات اٹھائے جائیں،جبکہ نصاب میں پشتو کو لازمی مضمون کے طور پر پڑھایا جائے تاکہ اگلی نسل مادری زبان کو لکھ پڑھ اور سمجھ سکے۔
